Көрәш һарайында «Рәсәй-Ҡаҙағстан» форумының пленар ултырышы бара

Өфөнөң Көрәш һарайында «Рәсәй-Ҡаҙағстан» XX төбәк-ара хеҙмәттәшлек форумының пленар ултырышы бара. Форумда ҡатнашыусыларға видеоэлемтә аша Рәсәй президенты Владимир Путин мөрәжәғәт итте. 

"Өфөлә Рәсәй Федерацияһының 30 субъекты һәм Ҡаҙағстандың 13 өлкәһе вәкилдәре йыйылды. Йәғни ике яҡлы партнерлыҡ бәйләнештәрен киңәйтеү буйынса практик эшмәкәрлеккә әүҙем йәлеп ителгән төбәктәр. Яңы проекттарҙы тормошҡа ашырыу өсөн аныҡ һөҙөмтәләргә өлгәшеүгә дөйөм ҡараш мөһим.», - тине Владимир Путин.

Юбилей форумы йомғаҡтары буйынса илдәр төбәк-ара хеҙмәттәшлеге программаһына ҡул ҡуя, ул 12 төрлө тармаҡта 140-ҡа яҡын сараны үҙ эсенә ала.