«Ауыл һәм ғаилә ипотекаһы лимитһыҙ булырға тейеш».

Ғаилә һәм ауыл ипотекалары лимитһыҙ булырға тейеш, тип белдерҙе Рәсәй президенты 19 декабрҙә тура бәйләнеш барышында.

«Был торлаҡ төҙөлөшөндә мөһим ҡорал булып тора. Төҙөлгән торлаҡтың 50% — шәхси торлаҡ, һәм башлыса, ауыл ерендә. Йышыраҡ 40 йәштә алалар. Кешеләр йорт һала, ғаилә ҡора. Бер ниндәй лимит булмаҫҡа тейеш», — тине дәүләт башлығы һәм хөкүмәткә субсидияларҙы төбәктәргә йүнәлтергә ҡушты.

Был ипотека программалары артабан да ғәмәлдә ҡала. Владимир Путин һүҙҙәренсә, IТ-ипотеканы ябыу тәҡдиме ҡаралған, әммә иҫәпләүҙәр унан һөҙөмтәлелектең сығымдарҙан юғары булыуын күрһәткән.