Шоңҡар
-2 °С
Ҡар
Бөтә яңылыҡтар

“Үҙ илеңдә таныһындар өсөн... унан китергә кәрәк”

Был егет менән күптән “самауыр йығырға” иҫәбебеҙ бар ине. Әңгәмәне ике тапҡыр уның Өфөлә үтәсәк концерттары мәленә тип планлаштырып ҡарағайныҡ та, килеп сыҡманы. Ни хәл итәһең! Бишкә ярыла алмай бит инде Радик...

Радик Юлъяҡшин:

justify;text-indent:1.0cm;line-height:normal">
mso-ansi-language:BA-RU">Был егет менән күптән “самауыр йығырға” иҫәбебеҙ бар
ине. Әңгәмәне ике тапҡыр уның Өфөлә үтәсәк концерттары мәленә тип планлаштырып
ҡарағайныҡ та, килеп сыҡманы. Ни хәл итәһең! Бишкә ярыла алмай бит инде Радик...
Шулай итеп, быныһы өсөнсө уҡталыу ине. Дөрөҫөн генә әйткәндә, килеренә әллә ни
өмөтләнмәнек тә. Шулай ҙа, киске сәғәт алты менән ете араһында бер сәғәт буш ваҡытым
бар тигәс, көттөк. Хатта уның ижадына ғашиҡ “йәш шоңҡарҙар”, йәғни
коллегаларыбыҙҙың балалары ла килеп етте. Был юлы һүҙендә торҙо егетебеҙ.
Һөйләшелгән ваҡытҡа үҙе кеүек алсаҡ ике иптәше менән редакцияға килеп инде.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Радик, оҙаҡ эҙләнек, оҙаҡ көттөк үҙеңде. Шулай ҙа, ниһайәт, күрешергә
форсат сыҡты. Һине һәм төркөмөң вәкилдәрен үҙебеҙҙең редакцияла ҡабул итеүгә шатбыҙ.
Ваҡытыбыҙ бик самалы тинең, шуға ла әңгәмәне башлайыҡ. Башта иптәштәрең менән таныштырып үтерһең,
моғайын...

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Таныш булығыҙ, музыкантыбыҙ – Артур Күсемов. Иң яҡын дуҫтарымдың
береһе. Үҙебеҙҙең Әбйәлил егете. Артур менән Мәскәүҙә таныштыҡ. Халыҡ уны Күсем
тип белә. Ә быныһы – водителебеҙ Никита. Уның менән дә Мәскәүҙә тап булыштыҡ.
Ғинуар айында Таиландҡа китер алдынан клип төшөрҙөк тә, самолетҡа һуңланыҡ.
Сираттағыһы – алты сәғәттән һуң ғына. Йөгөбөҙ көс еткеһеҙ, шуға ла алты сәғәткә
такси ялланыҡ. Берәй ергә барып тамаҡ ялғайыҡ та, шунан ҡала буйлап йөрөтөрһөң,
тинек. Яңы танышыбыҙ оҡшап ҡалды. Күп һөйләмәй, нимә әйтһәң дә тыңлай. Беҙҙең
командала эшләгең киләме, тип һорағайныҡ, ризалашты. Паспорты ла үҙе менән
булып сыҡты. Оҙаҡ уйлап торманыҡ, машинаһын аэропортта ҡалдырттыҡ та, уны ла
үҙебеҙ менән алып киттек. Ә былай командамда күпселекте башҡорт егеттәре тәшкил
итә. Шуға ғорурланам. Сөнки беҙҙекеләр, ысынлап та, профессионалдар.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Тимәк, яҙымышыңда һәйбәт кешеләр осрап тора?..

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Эйе. Һәм беҙ улар менән уңышлы ғына эшләп йөрөйбөҙ.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU">Беҙҙең ғәҙәти һорау: самауыр тигәс, күҙ алдыңа нимәләр килеп баҫа?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Ғафури районы... Ҡауарҙы ауылы... Өләсәйемдең самауырлы, һыйлы табыны. Бала
сағым, үҫмер йылдарым ауылда үтте бит минең. Йылына биш тапҡырҙан да кәм
ҡайтмай инем.

justify;text-indent:1.0cm;line-height:normal">
BA-RU">“Шоңҡар”ҙар. Йәнтөйәккә
ҡайтыу форсаты улай йыш сыҡмайҙыр инде хәҙер?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Йыш түгел. Шулай ҙа йылына бер мәртәбә мотлаҡ ҡайтырға тырышам. Ауыл
үҙенә тартып тик тора ул. Тыуған яҡтың һауаһы ла шифалы, тәбиғәте лә иҫ киткес
хозур. Берәй кискә генә ҡайтһам да, барлыҡ арыу-талыуҙарым юҡҡа сыҡҡандай була.
Ауылға ҡайтыу бала саҡҡа ҡайтыуға тиң минең өсөн. Үҙенә күрә бер күңел байрамына
әйләнә ул. Йәнтөйәккә ҡайтҡас, мотлаҡ башҡара торған ғәмәлдәрем дә бар:
әйтәйек, атайымдың ҡәберенә барыу, яңғыҙым ғына Мағаш тауына күтәрелеп,
тирә-яҡты күҙәтеп, уйланып ултырыу.

justify;text-indent:1.0cm;line-height:normal">
mso-ansi-language:BA-RU">“Шоңҡарҙар”.
BA-RU">Самауырлы табындар тәтейме һуң хәҙер?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Һабантуйҙарҙа йәки башҡа бер үҙенсәлекле милли сараларҙа ғына.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Өфөгә килгәндә ҡайҙа туҡталаһың?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU">. Дөрөҫөн генә әйткәндә, Өфөгә ҡайтып туҡтар урыным юҡ. Дуҫтар, туғандар
күп. Шәхси торлағым булмауын күҙ уңында тотам. Шулай ҙа тиҙҙән был мәсьәләне
хәл итермен тип уйлайым. Өфө һынлы Өфөлә үҙ йортом булырға тейеш. Мин бит ошонда
тыуып үҫкән егет. Әлегә туҡталыу өсөн иң ҡулай урын – отелдәр. Шулай тынысыраҡ.
Дуҫтарға, туғандарға барһаң, улар менән яйлап аралашып ултырырға кәрәк бит. Ә
минең ваҡыт яғы самалы. Әйтәйек, бөгөн беҙ иртәнге сәғәт унда Өфөлә инек. Көнө
буйы эштәр менән йөрөнөк, һеҙгә тиклем дә бер нисә осрашыуҙа булып өлгөрҙөк.
Теүәл бер сәғәттән концерт башлана. Киске сәғәт унда йәнә юлға. Башта – Ҡазанға,
унан һуң – Санкт-Петербургка.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> 365 көндөң нисә тәүлеген юлда үткәрәһең килеп сыға инде?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Минең өсөн иң тыныс ай – ғинуар. Йыл башында кинәнеп ял итеп алам да,
илһамланып, яңы көс менән эшкә тотонам. Бынан тыш студияла эшләү ҙә йәнгә ял
бирә. Бер үҙең генә бикләнеп ултыраһың да, рәхәтләнеп йырҙар яҙаһың.
Гастролдәргә сыҡҡанда тотош студияны машинабыҙға тейәп йөрөтәбеҙ. Сөнки ижад
туҡтап ҡалырға тейеш түгел.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Радик Юлъяҡшин феномены тураһында йыш һөйләйҙәр. Был хаҡта үҙең ни
әйтерһең? Ҡапыл популяр булып китеүеңдең сере ниҙә?..

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Яңылышаһығыҙ. Ҡапыл түгел. Кинәт кенә күтәрелгән кешенең шундай уҡ
тиҙлек менән һүнеп ҡалыу ихтималлығы ла бар. Мин бит малай ғына саҡтан ижад итә
башланым. Ана шул осорҙа уҡ алдыма ҙур үрҙәргә ынтылырға тигән маҡсат ҡуйҙым. 15
йыл буйына башҡарған хеҙмәтем бушҡа китмәне, Аллаға шөкөр, хәҙер бына кеше күрә,
ишетә, таный башланы. Иң тәүҙә Башҡортостанда бик тырышып, илһамланып эшләнем,
концерттар менән сығыш яһаным. Аҙаҡ бер аҙ Мәскәүҙә йәшәп ижад иттем, һуңынан
Татарстанға юлландым, киләһе пландар тотош Рәсәйҙә танылыу яулау. Ҡаҙағстан
тарафтарына сығырға теләүем хаҡында электән әйтә киләм. Был йүнәлештә лә эште
башлауҙы тиҙләтергә иҫәп бар. Яңыраҡ ҡына, йырҙарығыҙҙы ҡытай телендә
башҡармаҫһығыҙмы, тип Ҡытайҙан да яҙҙылар. Кем белә, бәлки, киләсәктә Ҡытайҙы
яуларға ла насип булыр әле.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Әсәйең менән аралашып, журналға мәҡәлә әҙерләү ҙә насип булғайны.
Нәфисә апай һинең бала сағыңды шул тиклем һағынып һөйләй. Эш боҙоп, подъезға
сығып тәмәке-фәлән тартып йөрөмәне, ысын мәғәнәһендә моң донъяһында ғына
йәшәне. Шуға уҡыуы ла әллә ни һәйбәттән булманы, әммә мин уны һис тыйманым, тип
һөйләгәйне...

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Эйе. Уҡыуға әллә ни барымым булманы шул (йылмая). Мин, ысынлап та, музыка менән генә йәшәнем. Хатта дәрес
мәлендә лә йырҙар ижад итә инем.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Шул ваҡытта алмаған белемең өсөн үкенес тыуып ҡуймаймы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Үкенгән саҡтар булғылай. Әммә нисектер шулай килеп сыға: мәктәптә
уҡымағанды хәҙер тормош үҙе өйрәтә.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Ниндәйҙер уңышҡа өлгәшеү, бейеклектәр, халыҡ ихтирамын яулау өсөн, һис
шикһеҙ, шәхес булараҡ та үҫешергә кәрәк. Бына ошо шәхес булараҡ үҫеш юлыңда
һиңә кемдәр ярҙам итте?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Донъяға билдәле йондоҙҙарҙан өлгө алам. Европа музыкаһын тыңлайым.
Сөнки улар алдынғылыҡты биләй һәм шул кимәлгә ынтылырға тырышырға кәрәк. Уңышлы
кешеләр менән аралашырға яратам былай. Бала саҡтан уҡ шундай булдым. “Моң”
студияһында эшләгәндә, ниндәйҙер үрҙәр яулаған, үҙ эшен асҡан кешеләр менән
аралашырға тура килһә, миңә лә бизнес эшләргә өйрәтегеҙ әле, әйҙәгеҙ, һеҙҙең
уҡыусығыҙ булам, тип уларҙы йөҙәтеп бөтә торғайным. Бер ваҡытта ла оялып,
ҡурҡып торманым, белмәгәнемде һорашып ҡалырға тырыштым. Ижад, үҫеш хаҡында
һуңғы аралашыу яңыраҡ ҡына Сергей Жуков менән булды.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Музыка менән шөғөлләнә башлаған егет-ҡыҙҙар хәҙер үҙеңде лә шундай
һорауҙар менән йөҙәтә торғандыр инде?..

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Эйе. Көн дә... Ғөмүмән, мин йәшәгән йортто ижад йорто тип йөрөтәләр. Кемдәр
генә килмәй унда!

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> “Өфө-Арена”, “Татнефть-Арена”ла концерттарың үтә. Һәм унда һигеҙәр мең
тамашасы йыйыла. Бына ошондай тамашаларҙан һуң үҙеңде нисек тояһың?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Ундай концерттарҙан һуң бөтөнләй хәлһеҙ ҡалаһың. Бик ныҡ арыта. Энергияңды
тотошлай тартып, һурып алалар. Бындай ҙур тамашаларҙан һуң, бер нәмә лә
эшләмәйенсә, яңғыҙ ҡалып бер өс көн самаһы ял итергә кәрәк. Ысынлап та, концерттан
һуң бер кемде лә күрге килмәй. Кеше менән аралашырлыҡ хәл ҡалмай. Тик ял итеү
тигәнде туранан-тура аңлап, был өс көн буйы өйөндә бикләнеп тик кенә ята икән
тип уйларға ярамай. Үрҙә әйтеп үтеүемсә, студияла эшләүем йәки руль артына
ултырып бер аҙ юлда йөрөп ҡайтыуым да ихтимал.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Концерттарыңа райондарҙан автобустар менән тейәлешеп тә киләләр. Ҡала
халҡы ла күпләп йөрөй. Балалар ҙа, йәштәр ҙә, өлкән йәштәгеләр ҙә һине үҙ күрә.
Төрлө йәштәге халыҡты, төрлө ҡатлам тамашасыһын бергә туплауға нисек өлгәшәһең?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Эйе, берҙән, мине балалар ҙа, өлкәндәр ҙә үҙ итә. Икенсенән, минең төп
публикам – мосолман халҡы. Йыр яҙғанда быларҙың барыһын да күҙ уңында тоторға
тура килә. Ижадта сик тигән нәмә бар. Әҙәп, әхлаҡ хаҡында оноторға, шул сиктән
аша атлап үтергә ярамай. Ҡайһы йырҙы кемдәр күберәк тыңлауын белер өсөн ай
һайын мониторинг үткәреп торабыҙ.

justify;text-indent:1.0cm;line-height:normal">
mso-ansi-language:BA-RU">Шоңҡарҙар.
BA-RU"> Провокция ла ғәҙәти хәл бит инде...

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Эйе, уныһы ла көн һайын тигәндәй (көлә)...

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Уларға яуап биргәндә йөрәгеңде тыңлайһыңмы, әллә аҡылыңдымы? Йә
булмаһа, провокаторҙар ишетергә теләгәнде генә әйтәһеңме?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Кемдер ишетергә теләгәнде генә әйтеү алдашыу килеп сыға бит. Нисек бар,
шулай яуап ҡайтараһың инде. Ҡайҙа ла ихласлыҡ һәм асыҡ йөрәк кәрәк. Йырлағанда
ла тамашасыны алдап булмай. Халыҡ барыһын да һиҙеп тора. Ул йә ышана, йә юҡ...

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Пландар тураһында һорағанда, һин ғүмереңде нисә йылға алдан
планлаштыраһың?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Планһыҙ йәшәп булмай. Әйтәйек, киләһе ике йылға пландарым яҙылып
ҡуйылған. Әлеге проектты тормошҡа ашырыу өсөн беҙ биш йыл кәрәк буласағын белә
инек. Татарстанға бәйле пландар бойомға ашырылды тип әйтергә мөмкин. Хәҙер кире
Мәскәүгә тарта. Бәлки, күпмелер ваҡытҡа Ҡаҙағстанға ла күсеп китергә тура
килер. Сөнки халыҡтың тын алышын тойоу, уларҙың күңеленә үтеп инерлек йырҙар
яҙыу өсөн шунда йәшәргә, урындағы халыҡтың менталитетын белергә кәрәк.

justify;text-indent:1.0cm;line-height:normal">
mso-ansi-language:BA-RU">“Шоңҡарҙар”.
BA-RU"> Ҡазанды яулауы һиңә ауыр бирелдеме?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Беҙ Ҡазанға биш йыл әҙерләндек. Һәм ике йыл яуланыҡ. Тәүге концерттарға
утыҙ процент самаһы ғына кеше килә ине. Икенсеһендә ул күрһәткес алтмышҡа етте.
Тамашасы һаны шулай йылдан-йыл арта барҙы.

justify;text-indent:1.0cm;line-height:normal">
mso-ansi-language:BA-RU"> “Шоңҡар”ҙар.
mso-ansi-language:BA-RU"> Тимәк, барыһы ла, фиҙаҡәрлек, тырышлыҡ менән генә
яулана. Бында осраҡлыҡҡа урын юҡ.

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Барыһын да аҡса ярҙамында хәл итергә лә мөмкин. Кемгәлер күпмелер аҡса
түләйһең дә... әйҙә инде. Әммә ул осраҡта һин алыҫ китә алмайһың. Алыҫҡа китергә
теләһәң, тырышып, йөрәгеңде һалып эшләргә кәрәк. Бына шул...

justify;text-indent:1.0cm;line-height:normal">
mso-ansi-language:BA-RU">“Шоңҡарҙар”.
BA-RU"> Мәскәү, Питер мәктәптәрен үтмәйенсә, һинең кеүек бейеклеккә өлгәшеп тә
булмайҙыр...

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Шәхсән үҙемә Мәскәү бик күпте бирҙе. Унда алған һабаҡтарҙы әле лә
ҡулланам. Мин бит баш ҡалаға әлеге лә баяғы шул ысын шоу-бизнес серҙәрен
үҙләштерәм тип барҙым.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Шулай ҙа Мәскәү мәктәбенән иң ныҡ кәрәге нимә булды?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU">. Иң тәүге сиратта, музыканың сифатлы яңғырашы. Аранжировкалар яһағанда Мәскәү
эстрадаһынан ҡалышмаҫҡа тырышырға кәрәк. Яңғыраш шул кимәлдә булһын.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Һинең һәр йырың хитҡа әйләнә бара, шикелле... Был нимәгә бәйле икән?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU">Әллә инде. Йырҙарҙы даими яҙып торам. Әммә уларҙы шунда уҡ тамашасы
хөкөмөнә сығарырға ашыҡмайбыҙ. Унлаған йырҙың үҙ мөҙҙәтен көтөп ятыуы ихтимал. Ҡайһы
берҙәрен хатта өсәр йыл тотабыҙ. Хаҡыҡҡа оҡшармы-юҡмы, уны ниндәй миҙгелдә
сығарыу яҡшыраҡ булыр, ул йырға ниндәйерәк клип төшөрөү отошло – быларҙың
береһе лә күҙ уңынан ысҡындырылмай. Хәҙер барыһын да уйлап ҡына эшләйбеҙ. Ә әлегерәк
улай түгел ине.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Баяғы Элвин Грей феномены хаҡында яңынан һүҙ ҡуҙғатһаҡ, уңышыңдың төп
сере тырышлыҡта һәм иң тәүге сиратта ихласлыҡта тип әйтегә буламы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU">. Әйтергә булалыр. Мин әле булһа үҙемде ауыл малайы тип хис итәм. Күп
нәмә тәрбиәгә лә бәйлелер.

justify;text-indent:1.0cm;line-height:normal">
mso-ansi-language:BA-RU">“Шоңҡарҙар”.
BA-RU"> Әсәйеңде матди йәһәттән тәьмин иткәнһең. Йорт һалғанһың... Һин – ысын
ир-егет. Үҙеңдән ғорурлыҡ тойғоһо бармы? Ижад йәһәтенән генә түгел, ғаиләләге
берҙән-бер ир заты булараҡ та...

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Ғорурлыҡ тиергәме икән, әллә үҙ көсөңә ышыныс тип билдәләргәме –
шундайыраҡ бер тойғо бар. Ниндәйҙер маҡсатҡа өлгәшкәс, тағы ла ҙурыраҡ үрҙәргә
ынтылыу теләге, ҡомар уяна. Торған һайын бөйөгөрәк эштәр башҡарғы килә. Әсәйем
өсөн ифрат шатмын. Миңә ышаныуы, бер ваҡытта ла, улым, һинән йырсы сыҡмай ул,
юҡ менән башыңды ҡатырма, тип әйтмәүе өсөн бик-бик рәхмәтлемен уға. Һәм әсәйемә
лайыҡлы тормош бүләк итә алыуыма бик ныҡ ҡыуанам. Миңә ҡалһа, яҡындарын лайыҡлы
тормошта йәшәтеү һәр ир-уҙамандың бурысылыр. Әсәйем хәҙер ярты йыл инде Таиландта
йәшәй. Уға оҡшай унда. Йәйгелеккә генә ҡайтырмын, ти.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Ҡауарҙыларҙы беләбеҙ бит инде. Уҫалдар. Төртмә теллеләр. Һиндә шул
сифаттар бармы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Әҙ генә булһа ла барҙыр ул. Уҫаллығы ла, төртмә теллелеге лә... Эш
барышында һәр ваҡыт ауыҙ йырып йылмайып ҡына йөрөмәйем. Уҫал да була алам.

justify;text-indent:1.0cm;line-height:normal">
mso-ansi-language:BA-RU">“Шоңҡарҙар”
BA-RU">. Ә бына һиңә ҡарата Салауат Фәтхетдиновтың дәғүә белдереүе, Гүзәл Уразова
менән килеп тыуған аңлашылмаусанлыҡ ысын булған хәлме? Ошоноң ише ығы-зығыларҙы
йырсылар үҙҙәренә пиар яһар өсөн үҙҙәре уйлап сығара икән, тигән хәбәрҙәр ҙә йөрөй
бит...

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU">. Шундай ығы-зығылар йыш булып тора шул. Һәм улар һис тә ялған түгел.
Ып-ысын. Был минең урынымды яулап, тамашасымды “урлап” ҡуймаһын тип ҡурҡалармы
икән, шоу-бизнеста билдәлелек яулай барған яңы кешене яратмайҙар...

justify;text-indent:1.0cm;line-height:normal">
mso-ansi-language:BA-RU">“Шоңҡарҙар”.
BA-RU">Әммә һин юғалып ҡала
торғандарҙан түгел. Ошондай аңлашылмаусанлыҡтар килеп тыуғанда ла үҙеңде
лайыҡлы тота, шуның менән дә халыҡтың ихтирамын яулай алдың.

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Юғалып ҡалһам, кире ҡайтып китергә тура килер ине. Тик минең артҡа
сигенергә иҫәбем юҡ. Ә Салауат ағай Фәтхетдиновҡа килгәндә, ҡасан да булһа уның
менән дуҫтарса ултырып һөйләшербеҙ, аңлашырбыҙ тигән фекерҙәрмен. Бәлки,
бергәләп йырларбыҙ ҙа әле. Минең бит әлегә уның менән күрешеп һөйләшкәнем дә
юҡ.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Әлегә тиклем күрешкәнегеҙ юҡмы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Эйе, хатта ҡул бирешкән дә юҡ. Күрешергә тура килгәне булманы.
Концерттар мәлендә лә юлдар киҫешмәй. Осрашмайбыҙ. Дөрөҫөрәге, осраштырмайҙар.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Нимәнелер башлар алдынан был эшеңде нисек тамамлап ҡуйырыңды белергә
кәрәк, тиҙәр. Һин эстрадала тәүге аҙымдарыңды эшләгәндә ижадыңдың ахыры нисек
буласағын күҙалланыңмы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU">. Ахыры тип... Был минең хеҙмәтемдең биш проценты ғына бит әле. Бары репетиция
ғына. Эйе, алдыма ҡуйған пландарыма өлгәшә барам – шуныһы ҡыуандыра. Уңыштарымды
мәскәүҙәр ҙә күҙәтеп, фекерҙәрен ишеттереп тора. “Какой-то башкиренок там что-то
творит”, – тиҙәр. Был да үҙенә күрә илһамландыра. Дәрт өҫтәй.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар
BA-RU">. Тимәк, ул “башкиренок” Мәскәү сәхнәләрен шаулатасаҡ әле?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU">. Эйе. Быйыл Крокус Сити холда концерт буласаҡ. Унда бик күп Мәскәү
дуҫтарым сығыш яһаясаҡ. Мин Өфөлә йәшәгәндә йүнле-рәтле русса һөйләшә лә алмай торғайным.
Иғтибар иткәнегеҙ булһа, элегерәк рус телендә яҙҙырған барлыҡ йырҙарым да
акцент менән. Мәскәүгә күсеп киткәс тә әле башҡортса уйланым, русса һөйләнем. Шуның
өсөн ныҡ уңайһыҙлана торғайным. Яйлап телмәрем шымарҙы, русса акцентһыҙ
һөйләшергә, акцентһыҙ йырларға өйрәндем хәҙер.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Һинең йырҙарың аша балалар башҡорт, татар телдәрен өйрәнә, тиҙәр.
Шундай йөгөң барлығын да тояһыңдыр инде?..

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Эйе. Һәм быныһы ла илһамландыра. Бөгөнгө заман балаларын,
йәш-елкенсәкте аңлайым мин. Сөнки гел дә баян, ҡурай тыңлап ҡына йәшәп булмай.
Йәштәрҙең төп даирәһе Интернет бөгөн. Улар ТМВ-ны ҡарай, “Европа плюс”ты тыңлай.
Аҙаҡ үҙебеҙҙең каналдарға күсәләр ҙә, көрһөнөп ҡуялар. Шуға ла беҙгә эстраданы,
йыр-моңдарҙың яңғыраш сифатын халыҡ-ара кимәлгә күтәрергә кәрәк. Был осраҡта
балалар үҙ теленән, үҙ моңонан оялмаҫ. Концерттарға бәләкәй балаларҙың күпләп килеүенә, ҡушылып йырлауына ифрат ҡыуанам мин.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Хәҙер китап яҙыу модала. Үҙең һәм ижадың хаҡында китап баҫтырып сығарыу
теләге юҡмы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Ундай ниәт тә бар. Китап өҫтөндә эш башланды ла инде. Татарстандың
Богатые Сабы ҡасабаһында Рәхимә исемле башҡорт апайы йәшәй. Башҡортса радио ла
булдырған ул. Ошо изге күңелле апай миңә китап сығарырға тәҡдим итте. Үҙем
ярҙам итермен, тине. Ул китап өсөн ярайһы ғына материал тупланды инде хәҙер.
Уларҙа минең хаҡта бик күп яңылыҡҡа юлығырһығыҙ. Әңгәмәләрҙә әйтелмәгән
мәғлүмәттәр ҙә күп буласаҡ был китапта.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Ә фильм төшөрөләсәкме һинең хаҡта?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Эйе, күптән түгел БСТ фильм төшөрөргә тәҡдим итте. Хоҙай насип итһә, уныһын
да яйлап эшләрбеҙ. Ҡыҫҡаһы, ваҡыты еткәс, китаптар ҙа, фильмдар ҙа буласаҡ. Әлегә
мөмкин тиклем күберәк йырҙар ижад итергә кәрәк.

justify;text-indent:1.0cm;line-height:normal">
BA-RU">“Шоңҡар”ҙар. Эх, музыкаға ғына
өйләнеп булһа икән, тигәнһең... Әллә Радик Юлъяҡшинға оҡшарҙай ҡыҙҙар бөткәнме?
Фанаттарың араһында сибәр ҡыҙҙар етерлектер, моғайын.

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU">. Аллаға шөкөр, күп улар.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU">Шуларҙың араһынан берәүһен һайлап алырға кәрәк бит...

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU"> (Йылмая). Уныһы шулай... Һайлап йөрөйбөҙ әле бына... Тик ваҡыт етеңкеремәй.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Бая телгә алған биш йыллыҡ планыңда өйләнеү тигән пункт бармы һуң?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Эйе, планда бар.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Кешенең билдәлелеге артҡан һайын азатлығы сикләнә тиҙәр, шуның менән килешәһеңме?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Эйе, килешәм. Сөнки көндәрем, сәғәттәрем генә түгел, тотош аҙналарым,
айҙарым алдан яҙылып ҡуйылған. Ул ваҡыт һинеке лә түгел. Шунда аҙ ғына буш
ваҡыт сыға ҡалһа, ҡыҙҙар менән осраштырып алаһың инде (йылмая).

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Бер көнөңдө үҙеңә генә бағышлағаның булдымы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Эйе, әлеге лә баяғы шул Таиландта инде.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Ни өсөн нәҡ Таиландты һайланың?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Ни өсөн икәнен аңлар өсөн унда үҙегеҙгә барып күреп ҡайтырға кәрәк. Күҙ
алдына килтерегеҙ әле: иртән тороп балконға сығаһың, һәм унда – диңгеҙ...

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Таиландта һине белмәйҙәрҙер, танымайҙарҙыр, моғайын. Ә бында урамда
тыныс ҡына йөрөй ҙә алмайһың...

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Белмәйҙәр тип... Һуңғы барғанымда утыҙ көн тороп ҡайттым. Шуның егермеһендә
танынылар былай. Беҙҙекеләр күп унда. Үткән йылды Таиландта бер ресторанда ултырғанда
үҙемдең йырҙы ишетеп аптырап ҡалдым. Беҙҙекеләрҙер, моғайын, тип камерамды
тоттом да йыр яңғыраған яҡҡа киттем. Ҡараһам, бер тай ҡыҙы “Черноглазая”ны
тыңлап ултыра. Күңелгә рәхәт булып китте.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Бер нисә игеҙәгеңде табып, гастролгә сығарып ебәрергә иҫәбең юҡмы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Вилдан Шәмсетдинов тигән бер егет килеп сыҡты бит әле бына. Вилли тип
йөрөтәләр уны. Былай бик ныҡ оҡшағанһығыҙ, тиҙәр. Бер көндө ул – минең әсәйгә.
мин уның әсәһенә тауыштарҙы яҙҙырып ебәрҙек. Таныманылар (көлә).

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Нисек табыштығыҙ һуң уның менән?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Электән йырлай ине ул. Ваҡыт үткәс, таныштыҡ. Хәҙер ул беҙҙең командала.
Аллаға шөкөр, командабыҙ ҙурая. Утыҙға яҡынбыҙ. Бынан тыш офиста ултырған
хеҙмәткәрҙәр, юристар, директорҙар ҙа бар бит әле.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар
BA-RU"> Ареналағы концерттарҙан һуң, йонсоуҙы баҫыр өсөн, берәй йөҙ грамм эскең
килмәйме?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Юҡ. Арығанда минең өсөн студия яҡшыраҡ тип әйттем бит. Спиртлы
эсемлектәрҙе байрамдарҙа, тыуған көндәрҙә генә бер аҙ рөхсәт итергә мөмкин. Эш
күп булғанда эске, кәйеф-сафа ҡороу хаҡында уйларға ваҡыт та, теләк тә ҡалмай.
Бынан тыш беҙҙең эштә тышҡы ҡиәфәт ҙур роль уйнай. Сәхнәгә шешенгән килеш сығып
булмай. Гел дә камера һағалап тора.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Дуҫтарҙы ниндәй сифаттарына ҡарап һайлайһың?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Кешелеклелегенә. Билдәле йырсы бит был тип кенә яҡынламаһындар. Күңел
донъямды аңлаһындар. Тормош тураһында һөйләшеп тә булһын. Дуҫтарға һәр йәһәттән
ышана алыу кәрәк.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Һинең менән билдәле йырсы булған өсөн генә аралашырға теләүселәр ҙә бар
инде, тимәк?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Бар, әлбиттә. Күпселеге шулай. Шуға ла ҡайһы берҙә ял итер өсөн яңғыҙ
йәки иң яҡын дуҫтарың менән генә ҡалыу кәрәк.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Хаталанып, яңылышлыҡтарың өсөн үкенгән саҡтарың буламы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Һин хаталар яһамайһың, хаталар һине яһай тиҙәрме әле?.. Үкенгән саҡтар
була, әлбиттә. Һәр кеше үкенә. Тик ул хаталарҙы башҡаса ҡабатламаҫҡа тырышырға
кәрәк. Яңылыша-яңылыша йәшәргә өйрәнәһең инде шулай.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Атайыңды һағынаһыңмы, Радик?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Бик ныҡ һағынам. Атайым яҡты донъяларҙан китеп барғас, ҡояш һүнгәндәй
булды. Ул гел генә, минең улым үҫкәс артист була, ти торғайны. Сөнки мин һәр
ваҡыт йырлай инем. Атай мәрхүм булғас, йөрәктәге һағышты баҫырға теләпме икән, музыка
менән тағы ла нығыраҡ шөғөлләнә башланым. Атайымдың ышанысын аҡларға ла
тырышҡанмындыр инде. Интервью алғанда йыш ҡына тормошоңдағы ниндәй мәлгә
әйләнеп ҡайтыр инең, тип һорайҙар. Атайлы сағыма, тип яуаплайым. Уның менән
рәхәтләнеп ултырып аралашыуҙар етмәйерәк ҡалды шул...

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Атай кәңәшенә мохтажлығың бармы бөгөн?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU">. Элегерәк булғандыр. Хәҙер өйрәнелгән инде. Бөтәһен дә беләм кеүек.

justify;text-indent:1.0cm;line-height:normal">
mso-ansi-language:BA-RU"> “Шоңҡарҙар”.
mso-ansi-language:BA-RU"> Музыканттар һайлағанда шундай критерий бар: уларҙың
ҡыҙҙары булмаҫҡа тейеш. Һеҙҙә лә шулаймы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Өйләнмәгән булһа, яҡшыраҡ инде. Яртышар йылға гастролгә китһә, кәләше
нимә эшләр һуң? Үҙенең дә кәйефе булмаясаҡ. Иркенләп, тыныс ҡына йөрөй алмаясаҡ.
Һәм был эштең сифатына йоғонто яһамай ҡалмай.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Улар бөтөнләй өйләнергә тейеш түгелме ни хәҙер?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Минең берәүгә лә ундай талап ҡуйырға хаҡым юҡ. Барлыҡ ҡыҙҙар ҙа бер
төрлө түгел бит. Беҙ һайлағандары ижад кешеһен аңлай белергә, түҙемле булырға
тейеш. Үҙем дә бит нәҡ шундайҙы таба алмайым. Кәләште хатта ауылдарҙан
эҙләйемме икән әллә тип тә уйлай башланым әле бына (көлә).

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Яҙғаны булыр әле. Ә ниндәй милләттән булыуы мөһимме?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Дөрөҫөн генә әйткәндә, милләте һис тә мөһим түгел. Эйе, белеп торам, беҙҙекеләр
хәҙер был егеттә рух төшөнсәһе юҡ икән, тиәсәк. Әммә минең фекеремсә, эш
милләттә түгел. Иң мөһиме – бер-береңде аңлау һәм хөрмәт итеү.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Нисә бала хаҡында хыялланаһың?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Ике балам булһа тап-таман һымаҡ.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Балаларығыҙ башҡортса өйрәнәсәкме?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Өйрәнәсәк, әлбиттә. Аталарының нимә хаҡында йырлағанын белергә тейеш тә
инде улар.

justify;text-indent:1.0cm;line-height:normal">
mso-ansi-language:BA-RU">“Шоңҡарҙар”.
BA-RU">Һинең шул тиклем ябай булып ҡала алыуың һоҡландыра...

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Был – тәбиғи хәл. Ябай ғаиләнән сыҡҡан малай бит мин. Бөтә уңышлы кешеләр
ҙә минең ише яп-ябайҙар ул. Үҙем аралашҡан миллиардерҙар ҙа шул тиклем ихлас
кешеләр. Әҙәм заты ҡыҙыҡ бит ул, ғәҙәттә, байый, күтәрелә башлаған мәлендә генә
һауаланып, үҙен әллә кемгә ҡуйып йөрөүе
ихтимал.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Һиндә ундай ғиллә булманымы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Булып алғандыр ул. Был йәһәттән бшҡа төртөп кире урынға ултыртыусыларға
рәхмәт!

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU">Һин күп кешеләр менән осрашаһың бит инде. Кем менән аралашҡанда ҡаушап
ҡалғаның бар?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU">. Татарстандың Президенты Рөстәм Миңлеханов менән һуңғы осрашыу мәлендә
башым буталып бөттө. Беренсе тапҡыр шулай булды. Әйтергә теләгән һүҙҙәремде
әйттем, әммә эстән ныҡ ҡаушаным. Ҡайһы бер концерттар алдынан да ныҡ
тулҡынланам.

justify;text-indent:1.0cm;line-height:normal">
mso-ansi-language:BA-RU">“Шоңҡарҙар”.
BA-RU"> “Башҡортостандың атҡаҙанған артисы” тигән мәртәбәле исемгә лайыҡ
булдың. Ундай дәрәжәләр кәрәкме икән?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Әйткәндәй, атҡаҙанған йырсы тигән исемде Башҡортстандың беренсе булып
биреүе өсөн ҡыуанам һәм ғорурланам. Мсәкәүҙәге концерттар мәлендә, Татарстан
сәхнәһендә йәки көнсығыш йондоҙҙары концертында “Башҡортостандың атҡаҙанған
артисы” тип иғлан итһәләр, үҙе бер мәртәбә лә инде. Үҙемә лә, халҡыма ла... Ундай
дәрәжәләр булырға тейеш, минеңсә. Тик ниңәлер беҙҙә ундай исемдәрҙе олоғайып
бөткәс кенә бирәләр. Киреһенсә, артабан да илһамланып эшләһендәр өсөн, уларҙы тәүге
уңыштарға өлгәшкән, тауға үрләгән мәлендә нәҡ йәштәргә бирергә кәрәк.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Башҡортса йырлап йөрөп, татарсаға күсеп китеүе ҡыйын булманымы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU">. Татарса йырлар өсөн биш йыл өйрәндем. Әле лә тота килеп кенә татарса
йырлап китә алмайым. Күп осраҡта һүҙҙәрҙе ҡағыҙҙан уҡыйым.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Татар телевидениеһына интервью биргәндә татарса һөйләгәнеңде ишетергә
тура килә. Башҡортса ғына яуап ҡайтарһаң булмаймы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Башҡортса һөйләргә лә була. Әммә минең теләгем урындағы халыҡтың
телендә сығыш яһау. Ҡаҙағстанға китһәм дә шул уҡ хәл ҡабатланасаҡ. Ҡаҙаҡса һөйләшергә
тырышасаҡмын. Һәм бының бер аламалығын да күрмәйем. Үҙемдең милләтемдән баш тартмайым
бит. Барыһы ла минең башҡорт егете икәнемде белә.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Тимәк, урындағы халыҡҡа хөрмәт тип ҡабул итәһең инде быны?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU">. Эйе. Саф башҡортса һөйләһәң, урындағы халыҡ күп һүҙҙәрҙең мәғәнәһенә
төшөнөп бөтмәй. Барыһы ла аңлаһын өсөн шул телдә һөйләшергә тырышырға кәрәк,
минеңсә. Иң мөһиме, Башҡортостанға ҡайтып башҡа телдә һөйләшмәҫкә (көлә).

justify;text-indent:1.0cm;line-height:normal">
mso-ansi-language:BA-RU">“Шоңҡарҙар”.
BA-RU"> Матди яҡты күҙ уңында тотҡанда, һин хәҙер ныҡлы ғына аяҡҡа баҫтың, шикелле.
Тимәк, йырлап ҡына аҡса эшләп тә, байып та була инде?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Бер нәмә лә еңел генә бирелмәй. Тәүге мәлдәрҙә минең дә етешмәгән
саҡтарым бар ине. Әлеге ваҡыта финанстар, бәлки, етәлер ҙә... Шулай ҙа аҡса минең
өсөн икенсе планда. Беренсе урында – ижад. Ә аҡсаны мин күрмәйем дә, иҫәпләмәйем
дә. Яҡынса
күпме бюджет буласағын самалайым һәм шул етә. Ә сираттағы концерттан килгән
аҡса күпме булды тип һорамайым да. Ундай эштәр менән директор шөғөлләнә.
Эйе, аҡса йыйыла. Әммә артабанғы үҫеш, яңы проекттар, аппаратура өсөн ҙур-ҙур сығымдар
талап ителә. Ана шундай маҡсаттағы сығымдарға аҡсаны йәлләмәү фарыз. Һорауға
туранан-тура яуап биргәндә, үҙ эшеңде белеп башҡарһаң, эстрада килемле өлкә ул.
Һәм хатта татарса йырламайынса, үҙебеҙҙә генә концерттар ҡуйып та арыу ғына
аҡса эшләргә була.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Тик ижадта ниндәйҙер бер кимәлгә еткәс, көрсөккә барып терәләһең. Артабан
үҫешер өсөн нимәнелер үҙгәртергә кәрәк...

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Эйе. Башҡортостанда йәшәгәндә башым шул түшәмгә ныҡлап барып
төртөлгәйне инде. Ул түшәм минең өсөн түбән була башлағайны. Артабан бер нәмә
лә эшләп булмаһа, һин, ысынлап та, шул көрсөккә барып төртөлгәнһең тигән һүҙ.

justify;text-indent:1.0cm;line-height:normal">
mso-ansi-language:BA-RU">Шоңҡарҙар.
BA-RU"> Үҙең һымаҡ талантлы, тырыш йәштәргә нимә кәңәш итерһең? Артабан ҡайҙа
ынтылырға һуң?

justify;text-indent:1.0cm;line-height:normal">
mso-ansi-language:BA-RU">Радик Юлъяшҡин.
BA-RU"> Һине үҙ республикаңда таныһындар өсөн унан китергә кәрәк. Билдәле спортсыларҙы
ғына алып ҡарағыҙ. Үҙ командаһынан, үҙ төбәгенән киткәс, улар тағы ла ҙурыраҡ
үрҙәр яулай. Кеше янда саҡта бик күренеп брмай ул. Алыҫҡа киткәс кенә шәйләп
ҡалып, ҡайт, һин бит беҙҙең егет, тип саҡырырға тотоналар. Татар телендә йырлай
башлағанда, мин нимә эшләгәнемде яҡшы аңлай инем. Үҙебеҙҙең халыҡтың менталитетын
да, кешенең нисек ҡабул итерен дә белеп торҙом. Эй һүктеләр, эй тәнҡитләнеләр,
Радик телен, милләтен һатҡан, тиеүселәр ҙә булды. Әммә ваҡыт үткәс, минең
уй-ниәттәрҙе аңланылар, барыһы ла урынына ултырҙы. Йәштәргә теләгем шул: яңы
үрҙәргә ынтылырға, ниндәйҙер яңы бейеклекте яуларға ҡурҡмаһындар. Әйткәндәй,
хәҙер сәйәсәтте ҡарап күҙәтеп барам. Республикала һәр йәһәттән дә ыңғай үҙгәрештәр
күҙәтелер тип көтәм.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Үҙең сәйәсәт өлкәһенә инеп китергә уйламайһыңмы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Алла бирһә, берәй ун биш йылдан мәҙәниәт министры булам (йылмая).

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Бирһен Хоҙай. Әгәр ысынлап та мәҙәниәт министры булһаң, төп баҫымды
нимәгә йүнәлтер инең?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Иң тәүге сиратта йәш таланттарға ярҙам итер, уларға ижади яҡтан
үҫешергә мөмкинлектәр тыуҙырыр инем. Йәштәр бөгөн үҙ ҡаҙанында ғына ҡайнаған,
үҙ аллы ғына йәшәгән кеүек тойола миңә. Элек “Йәшлек-шоу”ҙар, “Шаяниум”дар
нисек гөрләп үтә ине?! Хәҙер улар һүнеп, һүрелеп ҡалды. Миңә ҡалһа, ошондай
сараларҙы яңынан тергеҙергә, йәштәрҙә ижадҡа ҡарата ынтылыш тыуҙырырға кәрәк.

justify;text-indent:1.0cm;line-height:normal">
mso-ansi-language:BA-RU"> “Шоңҡар”ҙар.
mso-ansi-language:BA-RU"> Йәштәргә һин бөгөндән уҡ нисек ярҙам итә алаһың?
Әйтәйек, шул уҡ “Йәшлек-шоу”ҙа үҙеңдең премияңды булдырырға иҫәбең юҡмы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Берәй нәмә уйлап табырға була инде. Хәйер, минең продюсер үҙәгендә һәр
тырыш кеше үҙен һынап ҡарай ала.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Һине Элвин Грей тип нығыраҡ беләләрме, әллә Радик Юлъяҡшин типме?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Бында Радик тип беләләр, ә Татарстанда Радик тип өндәшеүсе лә юҡ. Балалар
ҙа, өлкәндәр ҙә Элвин тип йөрөтә.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Балалар ҙа өлкәндәр, ти ҙә тораһың. Урта йәштәге тамашасыларың да
барҙыр бит?..

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Бар, әлбиттә. Статистика буйынса урта йәштәгеләр артығыраҡ та килеп
сыға әле. 25-40 йәшлектәр күберәк тыңлай мине.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Иждата продюсер ныҡ кәрәк кешеме ул? Әллә йырсы барыһына ла үҙе генә лә
өлгәшә аламы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU">. Үҙе генә эшләп әллә ни алыҫ китә алмаҫ ул. Сөнки артист ижад менән
генә шөғөлләнергә тейеш. Ә беҙҙә шундай йырсылар бар, үҙҙәре барып реклама
бирә, концерттан һуң аҡса иҫәпләй. Артист аҡса һанарға ла, сираттағы йырына ниндәй
клип төшөрөргә кәрәклеге хаҡында баш ватырға ла тейеш түгел. Улары продюсерҙың
бурысы. Эшенең нескәлектәрен белеп бөтмәгәнгәме икән, беҙҙекеләр продюсерҙы
алама кеше тип уйларға күнеккән. Ысынында иһә, продюсер менән эшләүе күпкә отошлораҡ
һәм еңелерәк. Бары һөйләшеп-килешә белергә генә кәрәк.

justify;text-indent:1.0cm;line-height:normal">
mso-ansi-language:BA-RU">“Шоңҡарҙар”.
BA-RU"> Әйткәндәй, музыканттарҙы мебель тип тә йөрөтәләр икән хәҙер...

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Сәхнәлә уйнамай ғына тороусыларҙы “мебель” тиҙәр. Уйнағандары –
музыканттар. Йәнә “йырлаусы баш” (“поющая голова”) тигән термин бар. Үҙе йыр
яҙмаған башҡарыусыны шулай атайҙар.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Репертуарыңдағы иң яратҡан йырың?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU">. Бөтә йырҙар күңелдән сыға бит. Һәммәһен дә яратып ижад итәм, яратып
башҡарам. Яратмаһам, ижад итеп тормайым, йәки йырламайым. Бына бөгөн Әхәт
Мортазиндың 60 йыллыҡ юбилейына арналған хәтер кисәһендә “Ашҡына ғүмер” тигән
йырымды башҡарам. Етди тема. Үҙемә бик оҡшай. Дөрөҫөн әйткәндә, һуңғы
йырҙарымдың бөтәһе лә күңелгә берҙәй яҡын.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Ҡайһы бер йырҙарҙы ижад иткәндә уны кешеләр ҡабул итмәҫ тигән кеүегерәк
икеләнеүҙәр тыумаймы?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Беҙҙә шундай нәмә баа: йыр тыуған икән, ул йәки хитҡа әүерелә, йәки
матур йыр булып ҡала. Хитты барыһы ла тыңлай. Матур йырҙы айырым кешеләр генә
үҙ итә. Ә алама йырҙар булмай ул. Күңелдән сыҡҡан йыр алама була аламй, ул бала
һымаҡ тип әйттем бит.

justify;text-indent:1.0cm;line-height:normal">
mso-ansi-language:BA-RU">“Шоңҡарҙар”.
BA-RU"> Радик, һин шуға ла балалар урынына йыр сығарып тик йөрөйһөңмө ни ул?

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU"> (Көлә). Эйе. Был осраҡта
минең 400 балам булыр ине.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Радиктың 400 балаһы бар тип яҙабыҙ. Шәп тә инде...

justify;text-indent:1.0cm;line-height:normal">
mso-ansi-language:BA-RU">(Шул арала егеттәрҙең береһе, концерт башланған тигән
хәбәр килде, тип белдерҙе).

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин.
BA-RU"> Эх, бик күңелле генә һөйләшеп ултыра инек бит әле... Тик, үкенескә
күрә, әңгәмәне тамамларға ваҡыт икән.

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Шулай ҙа һине, алыҫ араларҙы яҡын итеп килгән кешене, йырлатмайынса ҡайтарыу
килешмәҫ кеүек. Бәлки, “Ашҡына ғүмер”ҙе йырлап ишеттерерһең. Сәхнәгә сығыр
алдынан репетиция ла булыр үҙеңә.

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
BA-RU">. Ә бәлки, “Уфтанма”ны йырларғалыр?..

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU">Мәйелең. “Уфтанма” икән,
“Уфтанма”...

justify;text-indent:1.0cm;line-height:normal">
mso-ansi-language:BA-RU">Радик Юлъяҡшин
mso-ansi-language:BA-RU">(йылмайып).
BA-RU"> Ниндәй ғилләлер инде, йәнә ҡаушап киттемсе:

justify;text-indent:1.0cm;line-height:normal">
BA-RU">Яҙ килә лә китә,

justify;text-indent:1.0cm;line-height:normal">
BA-RU">Ғүмер шулай үтә,

justify;text-indent:1.0cm;line-height:normal">
BA-RU">Уфтанма, уфтанма, уфтанма.

justify;text-indent:1.0cm;line-height:normal">
BA-RU">Яҙ килә лә китә,

justify;text-indent:1.0cm;line-height:normal">
BA-RU">Ғүмер шулай үтә,

justify;text-indent:1.0cm;line-height:normal">
BA-RU">Уфтанма , уфтанма, уфтанма.

justify;text-indent:1.0cm;line-height:normal">
BA-RU">Уфтанма-а-а-а-а...

justify;text-indent:1.0cm;line-height:normal">
BA-RU">Шулай, уфтанмай ғына йәшәйек, дуҫтар!

justify;text-indent:1.0cm;line-height:normal">
mso-ansi-language:BA-RU">“Шоңҡар”ҙар.
BA-RU"> Ҙур рәхмәт, Радик! Гел шулай ихлас һәм ябай булып ҡал. Ә тамашасың һәр
ваҡыттағыса ҙурлап, ҡәҙерләп, хөрмәтләп торһон! Яңынан-яңы бейеклектәр яуларға
яҙһын үҙеңә. Радик Юлъяҡшин ғына түгелһең, башҡорттоң аҫыл улы ла һин. Ҡайҙа
ғына йөрөһәң дә башҡорт халҡы исеменән сығыш яһауыңды онотма. Үҙеңде һаҡла!

justify;text-indent:1.0cm;line-height:normal">
mso-ansi-language:BA-RU">Радик. Юлъяҡшин
BA-RU">. Амин! Ҙур рәхмәт!
mso-fareast-font-family:Calibri;mso-fareast-theme-font:minor-latin;mso-bidi-font-family:
"Times New Roman";mso-bidi-theme-font:minor-bidi;mso-ansi-language:BA-RU;
mso-fareast-language:EN-US;mso-bidi-language:AR-SA">Ай бирҙе, ҡояш алды... Бер
сәғәт ваҡыт һиҙелмәй генә үтте лә китте. Әңгәмәлә үтә етди темаларға һүҙ
ҡуҙғатманыҡ. Сөнки өлгөрөп булмаясағын аңлай инек. Шулай ҙа йәштәрсә, йәнле
генә һөйләшеү килеп сыҡты, шикелле. Радиктың уңыштары, уның ихласлығы өсөн бик
ҡыуанып, ғорурланып ҡалдыҡ. Ысынлап та, дан егет тә һуң яҡташыбыҙ!
Читайте нас: