Земфира Байбулдина тыуған көнөн билдәләй!

Сәхнә йондоҙо, Башҡортостандың атҡаҙанған артисы Земфира Байбулдина бөгөн ғүмер байрамын – тыуған көнөн билдәләй.

Земфира Зәки ҡыҙы Башҡортостан юлдаш телевидениеһында үҙенсәлекле, халыҡ яратып ҡараған, көтөп алған тапшырыуҙар авторы булараҡ билдәле. “1998 – 2016 йылдарҙа ғүмерем телевидениела уҙҙы, – ти был хаҡта яратҡан артисыбыҙ. – Кем өсөндөр аҙ тойолор, кемгәлер күп, ләкин бөгөн мине танып-беләләр икән, тимәк 18 йыл ғүмер бушҡа уҙмаған. ,,Йырым булһын бүләгем'', ,,Сәләм'', ,,Аулаҡ'', ,,Гәлсәр һандуғас”, ,,Тормош һуҡмаҡтары'', ,,Тылсымлы ҡурай'...” Һәр береһе күңел, йөрәк аша үткән тапшырыуҙар!”

Земфира Зәки ҡыҙын күркәм байрамын менән ҡотлап, сәләмәтлек, ғаилә бәхете теләйбеҙ!