Вәдүт ИСХАҠОВ тыуған көнөн билдәләй.

Вәдүт Ғәйфулла улы Ишембай районы Ураҙбай ауылында тыуып үҫкән. 1993 йылда – Башҡорт дәүләт университетының филология факультетын, 2005 йылда Башҡортостандың дәүләт хеҙмәте һәм идара итеү академияһын тамамлаған.

Журналистика өлкәһендә 2000 йылдан алып эшләй. «Башҡортостан» гәзитенең үҙ хәбәрсеһе булған. Ишембай районы муниципаль район Советы депутаты.
2006 йылдан Ишембай ҡалаһының «Торатау» гәзитендә мөхәррир булып эшләгән.
2018 йылдың йәйенән алып «Башҡортостан» гәзитенең баш мөхәррире.
БР Журналистар союзын 2020 йылдың декабренән етәкләй.