Ислам - чемпион!

24-25 августа Силәбе ҡалаһында мөмкинлектәре сикләнгән үҫмерҙәр араһында бөтә Рәсәй еңел атлетика буйынса ярыш уҙа. Мәләүез ҡалаһынан 1-се гимназия уҡыусыһы,саңғы ярыштары һәм еңел атлетика буйынса Башҡортостан республикаһы йыйылма командаһы ағзаһы Ислам Күскилдин был ярыштарҙа 1500, 800 метр дистанцияла һәм һөңгө ырғытыуҙа 3 тапҡыр чемпион булыуға ирешә. Исламды һәм уның тренеры Радик Байгилдинды лайыҡлы һөҙөмтәләре менән ҡотлайбыҙ һәм уларға һаулыҡ, спортта еңеүҙәр теләйбеҙ! Ислам -  киләһе йылға еңел атлетика буйынса Рәсәй йыйылма командаһы ағзаһы ла.

Әҡлимә Имамова

"Көнгәк" гәзите