Башҡорт ҡыҙы Рәсәй чемпионы титулын яуланы

Башҡортостан спортсыһы муай-тай буйынса Рәсәй чемпионы титулын яуланы.

Сибайҙан Зарина Исламова тай боксы буйынса Рәсәй Кубогы еңеүсеһе булды. Башҡортостан спортсыһының еңеүе тураһында республиканың спорт министрлығынан хәбәр иттеләр.

Муай-тай буйынса ярыштар Түбәнге Новгород өлкәһендә үтә. Зарина Исламова ҡатын-ҡыҙҙар араһында 54 килограмға тиклемге ауырлыҡ категорияһында еңеү яуланы.Ҡыҙ «Ҡара аждаһа»клубында шөғөлләнә.

Шулай уҡ турнирҙа Башҡортостан спортсылары Никита Валетов (көмөш) һәм Леон Арутюнян (бронза) миҙалдар яуланы.

Фото: Башҡортостан республикаһы спорт министрлығының телеграм-каналы