Бөтә Рәсәй ҡышҡы спартакиада 16 февралгә тиклем барасаҡ!

Өфөлә «Беҙ бергә. Спорт» беренсе Бөтә Рәсәй ҡышҡы Спартакиадаһы старт алды, унда Рәсәйҙең 32 төбәгенән 800-ҙән ашыу спортсы ҡатнаша. Баш ҡаланың һайланыуы юҡҡа түгел. 2023 йылда сурдоолимпиецтарҙың Йәйге уйындары, былтыр "Рәсәй - спорт державаһы" халыҡ-ара форумы уңышлы үткәйне. Спартакиада программаһында футзал, тау саңғыһы, шахмат, хоккей, керлинг, сноуборд ҡаралған. Ярыштар Өфө, Ишембай ҡалаларының спорт объекттарында үтә. Спартакиада 16 февралгә тиклем дауам итәсәк.