"Башҡорт йыры-2021" проекты еңеүсеһе, йырсы Әлфир Заманов тыуған көнөн билдәләй!

Ул сығышы менән Баймаҡ районының Күсей ауылынан. Бала саҡтан йыр-моңға ғашиҡ егет Сибай сәнғәт училищеһында белем ала, артабан Баймаҡ район мәҙәниәт йортонда эшләй. Әле - Сибай концерт-театр берекмәһенең солист-вокалсыһы. Йәш булыуына ҡарамаҫтан, йырсы күберәк халыҡ йырҙарына өҫтөнлөк бирә, һирәк башҡарылғандарҙы өйрәнә. Әлфир Заманов - күп йыр конкурстары лауреаты.