Яратҡаным, һөйгәнем, имен һау әйләнеп ҡайтырға насип итһен!

Сибайҙан хәрби юлға сыҡҡан азаматтар араһында "Башҡорт йыры-2021" проекты еңеүсеһе, йырсы Әлфир Заманов та бар. Йырсының хәләл ефете Зинира үҙ сәхифәһендә: "Яратҡаным, һөйгәнем, ҡәҙерле тормош иптәшемә, хәрби бурыстарын үтәп, имен һау әйләнеп ҡайтырға насип итһен Хоҙай", - тип яҙа.

Әлфир Заманов сығышы менән Баймаҡ районының Күсей ауылынан. Бала саҡтан йыр-моңға ғашиҡ егет Сибай сәнғәт училищеһында белем ала, артабан Баймаҡ район мәҙәниәт йортонда эшләй. Әле - Сибай концерт-театр берекмәһенең солист-вокалсыһы. Йәш булыуына ҡарамаҫтан, йырсы күберәк халыҡ йырҙарына өҫтөнлөк бирә, һирәк башҡарылғандарҙы өйрәнә. Әлфир Заманов - күп йыр конкурстары лауреаты.Беҙ ҙә йырсының, юлдаштарының иҫән-һау әйләнеп ҡайтыуын теләйбеҙ.