Ҡотлайбыҙ, Руфина Зәки ҡыҙы!

Улар араһында Дүртөйлөләге Назар Нәжми исемендәге башҡорт гимназияһының башҡорт теле һәм әҙәбиәте уҡытыусыһы Руфина Камалова ла бар ине. Ул Башҡортостандың атҡаҙанған уҡытыусыһы тигән маҡтаулы исемгә лайыҡ булды.

Бөгөн Башҡортостан Хөкүмәте Премьер-министры Андрей Назаров бер төркөм уҡытыусыларҙы һөнәри байрамы менән ҡотлап, дәүләт наградалары тапшырҙы. Улар араһында Дүртөйлөләге Назар Нәжми исемендәге башҡорт гимназияһының башҡорт теле һәм әҙәбиәте уҡытыусыһы Руфина Камалова ла бар ине. Ул Башҡортостандың атҡаҙанған уҡытыусыһы тигән маҡтаулы исемгә лайыҡ булды.

Руфина Зәки ҡыҙы Ҡариҙел районы Яңы Бәрҙәш ауылы һылыуы. 1993 йылда БДУ-ны тамамлай, оҙаҡ йылдар йәш быуынға белем бирә. Үҙ һөнәренә ғашиҡ, эҙләнеүсән, талапсан мөғәллимә алдынғы эш тәжрибәһе менән бүлешә, оҫталыҡ дәрестәре күрһәтә, «Башҡорт теле һәм әҙәбиәте йыл уҡытыусыһы – 2021» төбәк-ара конкурсы лауреаты. Хәстәрлекле әсә бына тигән ике ул тәрбиәләй.
Руфина Зәки ҡыҙы! Юғары бүләк алыуығыҙ менән ысын күңелдән ҡотлайбыҙ. Сәләмәтлек, аяҙ көндәр теләйбеҙ! "Шоңҡар"ҙар.