Өфө табибы Дубайҙан осҡан самолет бортында пассажирҙың ғүмерен ҡотҡарған

Өфө табибы Эльвера Ғабдуллина Дубайҙан осҡан самолетта насар хәлгә ҡалған пассажирға тәүге ярҙам күрһәткән. «Башинформ» агентлығына ул һөйләүенсә, йәш кешенең ҡан баҫымы күтәрелгән һәм ул аңын юғалта башлаған. Ул бортпроводниктарҙың, пассажирҙар араһында доктор бармы, тигән һорауына яуап биреп, зыян күреүсегә ашыҡҡан.

«Хәҙер ҡарайым, тотош ағарынып бөткән кеше, аяҡ-ҡулы параличтан интеккән, ул ауыр һөйләшә ине. Мин килеп еткәндә уға кислород битлеген кейеп өлгөргәндәр. Мин ҡан баҫымын үлсәнем, ул бик юғары булып сыҡты, пульсы ла юғары», - тип иҫенә төшөрә Эльвера.

Ғәҙәттә, бортта медицина хеҙмәткәре менән килешмәйенсә бер ниндәй ҙә дарыуҙар бирергә ярамай. Шуға күрә Өфө һылыуы егетте татлы сәй һәм кәнфит менән һыйларға тырышҡан, даими рәүештә ҡан баҫымын тикшереп торған, шулай уҡ уның менән һөйләшкән, тәнендәге нөктәләргә массаж яһаған. Тырышлыҡ бушҡа китмәне, тиҙҙән зыян күреүсегә еңелерәк булып китте. Ошо ваҡыт эсендә авиакомпания табибы салон менән пилоттар аша бәйләнештә булған. Егеттең хәле тотороҡланғас, белгес уға аспирин таблеткаһын эсергә рөхсәт итә. Ә Өфө табибы уның менән тағы 1,5 сәғәт ултырҙы. Уның башҡа бер ни ҙә янамағанына тамам ышанғас ҡына, урынына китте.

«Бер 10-15 минуттан уның хәле яҡшыра башлай. Аҙаҡ миңә пациент үҙе әйтте: "Һеҙ табип булараҡ ҡына түгел, психолог булараҡ та һөйләшәһегеҙ. Был миңә бик ярҙам итте. Һеҙ мне ҡотҡарҙығыҙ!» Мине иҫемә төшөрәм һәм әле лә тетрәтә. Тормошомда шундай хәл булыуы мөмкин тип уйламағайным», - тине ҡыҙ.

Уның дөрөҫ һәм үҙ ваҡытында эш итеүе арҡаһында зыян күреүсе Өфөгә имен-аман килеп еткән, самолетты ашығыс рәүештә ултыртыу талап ителмәгән. Эльвера Ғабдуллина һөнәре буйынса гинеколог. Әммә киҫкен хәлдә ул йыйылып, беренсе ярҙам күрһәтеү күнекмәләрен хәтеренә төшөрә алды. Өфө табибы, әгәр кешенең самолетта хәле насарайһа, уға берәй препарат биреү ҡәтғи тыйыла, тип билдәләне. Уға дауалаусы табип яҙып ҡалдырғандарҙан тыш (мәҫәлән, диабетика инсулины). Башҡа осраҡтарҙа дарыуҙар зыян ғына килтерә ала.