Филюс Ҡаһиров концертында Артур Хәсәнов та бар ине

Нефтекамала Артур Хәсәнов 10-сы класҡа тиклем уҡыған. аҙаҡ Илеш районының Лаяшты ауылы мәктәбенә уҡырға ингән, унда уның ғаиләһе күсеп киткән - шарттар шулай килеп тыуған. "Өлкән кластарҙа уҡ музыка менән мауыға башланым һәм йыр менән үҙ аллы шөғөлләнәм. Һөнәр һайларға ваҡыт еткәс, үҙемде йырға ҡарағанда етдиерәккә бағышларға булдым - Өфө радиоэлектроника колледжына уҡырға индем, Ғәҙәттән тыш хәлдәр министрлығы кафедраһын тамамланым", - ти Артур.  Бер йыл армияла хеҙмәт итә, һуңынан һөнәре буйынса эшләй. Әммә музыка уны үҙенә тарта. Ул башта Үрге Йәркәй ауылының район мәҙәниәт йортона, ә һуңынан Туймазы татар дәүләт драма театрына урынлаша. Һуңғы йылдарҙа Дүртөйлө ҡала мәҙәниәт йортонда тауыш операторы булып эшләгән.