Бөгөн Бөтә донъяла изгелек көнө билдәләнә

Был көн 1998 йылда Японияла үҙ эшен башлаған изгелек өсөн Бөтә донъя хәрәкәте тарафынан булдырыла. Хәрәкәттең сәйәси йәки дини сикләүҙәре булмаған, ә уның составына башта Тымыҡ океан төбәгендә йәшәүселәр генә ингән. Бер аҙҙан Бөтә донъя хәрәкәте сафын изгелек өсөн башҡа дәүләттәр вәкилдәре лә тулыландырҙы. Үкенескә күрә, Бөтә донъя изгелек көнө - рәсми булмаған байрам. Әлеге ваҡытта ул донъяның 28 илендә билдәләнә. Изгелек көнөнөң төп маҡсаты булып - изгелек эшләү. Изгелек - кеше йәшәйешенең бер өлөшө, ул - кешеләргә ҡарата кешелеклелек, тирә-йүндәгеләрҙе яратыу һәм хәстәрлекләү.