Өфө «Герой ҡатыны» фотопроектына ҡушылды. Уның асылы шунда: махсус хәрби операцияла ҡатнашыусыларҙың яҡындары хәрби кейемдә фотоға төшә.
Проект Һамарҙа барлыҡҡа килде. Уны 2-се армия командующийының хәләл ефете Екатерина Колотовкина һәм фотограф уйлап тапҡан. Социаль селтәрҙә был идеяны әүҙем күтәреп алдылар һәм ҡыҫҡа ваҡыт эсендә илдең 50 төбәгенән ҡатын-ҡыҙҙар ҡатнашҡан.
Башҡортостандың баш ҡалаһында акцияла 50-нән ашыу ҡатын-ҡыҙҙар ҡатнашҡан. Фотолар проекттың социаль селтәрҙәге рәсми төркөмөндә урынлаштырыла. Улар ҡатнашыусыларҙың тарихы менән бергә бара: кемдер иренең, атаһының, улының, ағаһының ҡайтыуын түҙемһеҙлек һәм иман менән көтә. Ә кемдер үҙенең яҡлаусыһының бер ҡасан да ҡайтмаясағын белә. Мәҫәлән, һәләк булған яугирҙарҙың береһенең әсәһе Гөлнара һөйләүенсә, уның яралы улы командирҙы санчасҡа алып килгән, ә үҙе аяҡтары йәрәхәтләнгән килеш артабан рация буйынса командалыҡ итеүен дауам иткән.
https://www.bashinform.ru/news/svo/2023-03-14/ufa-prisoedinilas-k-federalnomu-fotoproektu-zhena-geroya-3177102