Зәйнәб Биишева рухы саҡырҙы

17 март Стәрлетамаҡта "VII Биишева уҡыуҙары" исемле Бөтә Рәсәй ғилми-ғәмәли конференцияһы уҙғарылды.Был сараны ойоштороусы - Өфө фән һәм технологиялар университетының Стәрлетамаҡ филиалы башҡорт һәм төрки филологияһы факультеты. Бөйөк яҙыусы - Зәйнәб Биишеваның тыуыуына быйыл 115 йыл. Уның ижады - халыҡты, милләтте берләштереүсе оло көс.

Был ҙур, мөһим сарала Ләлә апай Биишева, Сәрүәр Сурина, Ғиниәт Ҡунафин, Ҡәҙим Аралбаев, Айгиз Баймөхәмәтов кеүек милләтебеҙҙең билдәле шәхестәре сығыш яһаны.

Сығанаҡ: Стәрлетамаҡ башҡорттары ҡоролтайы.