"Атыңды 500 мең һумға һат"

Ауырғазы районы Төрөмбәт ауылы егете Вилнур Ғәлимов  тоғро дуҫы Руся ҡушаматлы аты менән «Башкорт аты» халыҡ-ара фестивалендә «Ылаҡ» уйынында ҡатнашыу өсөн Баймаҡ районына барған. Был турала "Молодежная газета" хәбәр итә.
Бына нимә яҙалар уның тураһында: “Вилнур аңлатыуынса, Руся Рәсәй көнөндә тыуған, шуға ла атҡа ошондай ҡушамат бирелгән. Ошондай төҫлө ат тураһында Вилнур бала саҡтан хыялланған.

- Уны күргәс тә, хужаларынан һатыуҙарын һораным. Тик улар ризалашманы.

Вилнурҙың, әлбиттә, күңеле кителә, шулай ҙа бер аҙҙан ул ошо аттың – Русяның – хужаһы була”.

Шуныһы ҡыҙыҡ: үткән йылда бер делегация вәкилдәре Вилнурҙан атын 500 меңгә һатыуын һорайҙар, тип яҙа журналистар. Вилнур ризалашмай, тип белдерә "Молодежная газета"