Муса Гәрәевкә һәйкәл асылды

Бөгөн Илеш районында бөйөк летчик-штурмовик, республикала берҙән-бер ике тапҡыр Советтар Союзы Геройы Муса Гәрәевҡа һәйкәл асылды. Тантаналы сарала Башҡортостан Башлығы Радий Хәбиров ҡатнашты. Һәйкәл М 12 Восток федераль трассаһының яңы участкаһында Муса Гәрәев тыуған Иләкшиҙе ауылы янында ҡуйылған. 

Һәйкәлде ҡуйыу инициаторҙары булып Илеш районы хакимиәте һәм «Урал Буйы» юл идаралығының федераль ҡаҙна учреждениеһы сығыш яһаны. Инициативаны Радий Хәбиров хупланы. Трасса участкаһын төҙөгән «ДСК АВТОБАН» акционерҙар йәмғиәтенең генераль ойошмаһы архитектура объектын төҙөү меценаты булып сығыш яһаны.