Һыуыҡ көндәр килә

Алдағы өс көндә Башҡортостанда урыны менән -32 градусҡаса һыуыта, тип иҫкәртте төбәк синоптиктары. Башгидромет мәғлүмәттәре буйынса, бөгөн республикала бер аҙ ҡар яуасаҡ, ҡайһы бер райондарҙа буран сығасаҡ, юлдарҙа ҡар һырынтылары. Ел көньяҡ-көнбайыштан, көнбайыштан талғын, урыны менән көсәйеүсән. Һауа температураһы көндөҙ -8, -13 градус.

Шишәмбе, 18 февралдә, урыны менән йәнә бер аҙ ҡар яуыуы көтөлә. Ел көньяҡ-көнбайыштан талғын. Һауа температураһы төндә-18, -23, аяҙытҡанда -28, көндөҙ -10, -15 градус.

Шаршамбы, 19 февралдә, яуым-төшөмһөҙ. Ел йүнәлешен үҙгәртеүсән, талғын. Һауа температураһы төндә-19, -24 градус, урыны менән -27, -32, көндөҙ -10, -15 градус.