Һыу ҡорбандары арта

Кисә, 4 августа, Аҡъяр ауылына алыҫ булмаған Таналыҡ йылғаһында 65 йәшлек ирҙең кәүҙәһе табылған. Батып үлеүсенең мәйетен урында йәшәүселәр сығарып, полиция хеҙмәткәрҙәренә тапшырған.

Иҫәнғол ауылы эргәһендә Оло Эйек йылғаһынан 48 йәшлек ирҙең кәүҙәһе сығарылған. Ул яр буйында ял иткән саҡта йылғаға сумған да башҡа сыҡмаған.

Ике осраҡта ла фажиғәгә тарыусылар тыйылған урында һыу ингән. Яр буйында киҫәтеү аншлагтары ла ҡуйылған булған.