Үзбәкстан инвесторҙары Башҡортостанда автозаправкалар төҙөргә ниәтләй

Үзбәкстан инвесторҙары Башҡортостанда газ баллоны ҡорамалдары етештереү буйынса завод төҙөргә һәм автозаправкалар төҙөүҙе дауам итергә ниәтләй. Был хаҡта 6 июндә «Бәйләнештә»ге сәхифәһендә республика башлығы Радий Хәбиров хәбәр итте.

Уның һүҙҙәренсә, бөгөн республикаға Үзбәкстан делегацияһы килгән. Осрашыу барышында яҡтар төҙөлөш, машиналар эшләү, баҡыр сығарыу һәм эшкәртеү өлкәһендәге проекттарҙы тикшерҙе.

«Ошо проекттарҙың һәр береһен ентекле өйрәнәбеҙ. Ер участкалары менән ярҙам итеү, документтар әҙерләү тураһында һөйләшеп килештек. Инвесторҙар өсөн уңайлы шарттар булдырасаҡбыҙ.