Һөйөүемә тоғро ҡалам. Хикәйә

Бибинур менән Ғәзизә бер урамда , күрше өйҙәрҙә тыуып үҫтеләр . Үҙҙәрен белгәндән алып улар гел бергә булдылар .
Күлдәк итәктәре мәтегә буЯлып , һыуланып , сәстәре Ялбырашып йылға буйында оҙон көн буйы уйнарҙар ине улар . Йәйге оҙон көндәрҙә был ике баланы иҫкә төшөрөүсе , эҙләүсе кеше лә булманымы икән , ашарға ла онотоп уйынға әүрәрҙәр ине .Эңер төшә башлағас ҡына , ҡыҙсыҡтар һәр кемеһе үҙ ҡапҡаһына ҡарай ыңғайлар ине .
Мәктәп йәшенә еткәс , сәстәренә ҙур аҡ бантик таҡҡан ҡыҙ осоҡтары етәкләшеп барҙылар мәктәпкә . Мәктәпте тамамлап сыҡҡансы бер партала ултырҙылар .
Бибинур тулған ай кеүек түңәрәк йөҙлө , ҙур ҡара күҙле , әҙерәк һинд ҡыҙҙарына тартымыраҡ сибәр генә ҡыҙ . Ҡаштары ҡыйылып тора , танау әҙерәк йәмшегерәк булһа ла , уның матурлығын һис кәметмәй . Сәстәре ҡап ҡара , тулҡынланып бөҙрәләнеп Яурындарына төшөп тора . Буйға ла оҙон ғына , кейгән кейемдәре кәүҙәһенә һылашып ҡына тора .
Ғәзизә ысын башҡорт ҡыҙҙарына хас рәүештә , ҡыҫығыраҡ күҙле , шаЯныраҡ серле ҡараштары менән арбаусы , аҡ ҡына йөҙлө , танау бәләкәс кенә , йоҡа иренле ҡыҙ . Кәүҙәгә бәләкәсерәк , һомғол буйлы . Ҡара оҙон сәстәре бөгәренән аҫҡа төшөп тора .
Әхирәттәрҙең тәбиғәт биргән тышҡы матурлығы ғына түгел , холоҡ фиғелдәре лә матур . Ауыл ҡыҙҙарына ғына хас әҙәплелек , тәрбиәлелек бөркөлөп тора уларҙан .
Бибинур саЯраҡ , шарылдағыраҡ булһа , Ғәзизә баҫалҡы һәм шымыраҡ ине .

Ауыл ҙур ғына . Мәктәп , клуб , силсәүит , бальнис , аптека , балалар баҡсаһы барыһы ла бар . Ҡыҙҙар икеһе лә ауылда ҡалды , уҡырға артыҡ теләктәре булманы икеһенең дә .Гөрләп торған совхоздың фермаһына һауынсы булып эшкә барҙылар .
Ауылда йәштәр күп ине . Фермалаларҙа , зернотокта гел йәш ҡыҙҙар , МТМ менән гаражда гел йәш егеттәр эшләне .
Ҡыҙҙар киске һауындан ҡайта ла , йыуынып сайынып , биҙәнеп төҙәнгәндән һуң , иң матур күлдәктәрен кейеп клубҡа йүгерә инеләр .
Йәшлек үҙенекен итә инде , таңғы биштән иртәнге һауынға барырға кәрәк булһа ла ,таңға тиклем бейерҙәр ине .

— Ғәзизәүүү , клубҡа һинд киноһы алып килгәндәр , барабыҙмыуууу ?
Бибинурҙың ферма Яңғыратып һөрәнләүенә һыйырҙар ҙа баштарын бороп ҡарап ҡуйҙы хатта .Берәүһе , барыыыығыыыҙ тигән һымаҡ мөңрәп тә ебәрҙе .
— Барайыҡ , барайыҡ , барайыҡ ! - башҡа саҡта баҫалҡы Ғәзизә , кино йәки дискотека тиһәң осоп төшә лә ҡуЯ ул .
Эштәрен шарт та шорт йәһәтләп бөткәс , өлкән һауынсылар ыңғайына Яйлап йөрөмәне ҡыҙҙар . Кемуҙарҙан йүгерә атлай ҡайтып киттеләр .
Фермаһы йүнле ерҙә урынлашҡанмы һуң әле ! Арыу ғына тәпәйләргә кәрәк . Унан тауҙы менергә кәрәк . Шунан шоссейка буйлап әллә бер , әллә ике км атларға кәрәк . Өлкәндәр был юлды зарлана зарлана үтһә лә , ҡыҙҙарҙың иҫе китмәй ине . Ен һымаҡ йүгереп ҡайта улар . Ай күрҙе , ҡоЯш алды .

Ә бөгөн клубта башҡа ваҡыттағыға ҡарағанда йәнлерәк тә күңеллерәк тә һымаҡ тойолдо ҡыҙҙарға .
Бер Яҡ ситтә егеттәр өйкөлөшөп тора . Икенсе Яҡта ҡыҙҙар сырҡылдаша . Ғәҙәти булмаған йәнлелектең сере билдәле булды тиҙҙән .
Һалдат ҡайтҡан ауылға ! Һалдат ҡайтыуы инде ул , Ябай ғына хәл түгел бит инде . Ул ҙур ваҡиға . Ике йыл буйы ил сигендә хеҙмәт итеп ҡайтҡан һалдат иғтибарҙың иң үҙәгендә була һәр ваҡыт .
Оҙон ғына буйлы , һарғылтыраҡ сәсле , йәшел күҙле , аҡ ҡына йөҙлө егет күрше урамда үҫкән Рузель ине . Ауылдың ҡара ҡора егеттәренән бер башҡа айырыла ине ул .Үҙен тотошо ла аристократ ғаиләһендә үҫкән кешеләрҙекенә оҡшаш . Атаһы механизатор , әсәһе мәктәптә иҙән йыуҙы ғүмере буйы . Ғаиләлә биш малай үҫте . Бөтәһе лә Ябай ошо Рузельдәре генә үҙе бер башҡа ине .
Сибәр һалдатҡа күҙ атыусы ҡыҙҙар күп ине . Бибинур , ауылдың иң сибәр ҡыҙы бармаҡ Янаны
— Берегеҙҙә ! Ишетәһегеҙме , берегеҙҙә ! Рузельгә Яҡын бараһы булмағыҙ , ул минеке !

Бибинур егетте үҙенә ҡаратыу өсөн , төн йоҡоларын йоҡламай ниндәй хәйләләр ҡорҙо икән ?
Ә Рузель ҡыҙҙарға бөтөнләй иғтибар бирмәне . Һалдат кейемен ай буйы сисмәне . Кис клубҡа килде , егеттәр менән әҙерәк һөйләшеп торор ҙа ҡайтып китер ине .

Бына тағы клубҡа һинд киноһы килтерҙеләр . Бибинур менән Ғәзизә лә килде .
Ғәзизә илай илай киноға сумды баштан аЯҡ . Эй, Ярата ул һинд киноларын !
Бибинурҙа кино ҡайғыһы булманы , иң артта ултырыусы егеттәр араһынан таныш һынды эҙләне . Ике сериЯлы кино бөткәнсә , елкәһе өҙөлөп төшә Яҙҙы артҡа әйләнеп ҡарай ҡарай .Рузель киноға инмәгән ине . Бибинур күңелһеҙләнде .
Кино бөтөп тышҡа сыҡҡас , тышта тороусы егеттәр араһында Рузельдең дә булыуы Бибинурҙың күңелен күтәрҙе . Эргәһендәге әхирәттәренә ҡыҙыҡ хәбәрҙәр һөйләп , ҡысҡырып көлә көлә үтте ул егеттең Янынан . Күҙ ҡыҫырға ла онотманы . Рузель дә уға ҡарап йылмайҙы .

Ғәзизәләр икенсе урамға өй һалып күскәйнеләр . Шуға ла клубтан ҡайтыр юлдары Бибинур әхирәте менән айырылыша ине . Бибинур урам буйлап аҫҡа атлай , Рузельдәрҙең өйө лә шул Яҡта . ӘҒәзизәләр оҙон тыҡрыҡты үтеп , тауға күтәрелә . Тау башында уларҙың өйө .
Ғәзизә йырлай йырлай тыҡрыҡҡа төштө . Дөм ҡараңғы тыҡрыҡтан үтеүе ҡурҡыныс һымаҡ булһа ла , ҡурҡмай ул . Көн дә тиерлек йөрөгәс өйрәнеп бөткән .Иң ҡыйыны шул , Яңғыҙы ғына ҡайта . Был урамда йәштәр юҡ .
Арттан шәп шәп атлаған аЯҡ тауыштары ҡыҙҙы боролоп ҡарарға мәжбүр итте .
Ғәзизәнең йөрәге саҡ Ярылманы , ҡыҙ ултыра төшә Яҙҙы .
— Ғәзизәкәй !!! Һине оҙатырға мөмкинме ?

Ҡулдарынан тотоп алған Рузельгә иҫе китеп текләгән ҡыҙ йылмайып тик торҙо .
Серле ҡараштарҙан айырылырлыҡ көс юҡ ине . Яғымлы , йомшаҡ тауыш ҡыҙҙың ҡолағын иркәләне . АЯҡ аҫтында ер Яйлап убылған һымаҡ ине .
Егет һаман әллә нимәләр һөйләне , ә ҡыҙ сихырланып тороуын дауам итте ...

Рузель менән Ғәзизәнең осрашыуын оҙаҡ бер кем дә белмәне . Бибинур егетте баҫтырып баҫтырып ҡараны ла , аҙаҡ ҡул һелтәне .
Ғәзизә менән Рузельдең үҙ доньЯлары үҙенә бер башҡа булды . Гүйә , был доньЯла икәүһенән башҡа кеше юҡ ине улар өсөн . Ҡырға сығып Ялан , ҡырҙар буйлап баҫтырышҡан ҡыҙ менән егеттең сәстәренән елдәр наҙлап һыйпағанда , ҡараңғы күктә йымылдашҡан йондоҙҙар күҙ ҡыҫҡанда , ике йөрәк бер береһе өсөн Ярһып типкәндә , был доньЯла улар икәү генә ине .
— Ғәзизәм !!!
Рузельдең өҙөлөп , наҙлап ҡына өндәшкән тауышынан , ҡыҙ үҙен томан араһына инеп ирегән һымаҡ хис итте .
-— Әүүү , ишетмәйем нимә тиһең ? - ҡыҙ күҙҙәрен шаЯн көлдөрөп хәйләкәр йылмаЯ .
-— Ғәзизәм , белһәң ине , нисек һине Яратыуымды ! Һине күрмәйенсә бер минут та , юҡ , бер секунд та йәшәй алмайым .
-— Ишетмәйем , ҡабатла !!!
-— Мин һине Яратам , Ғәзизәм !!! Яратааааам !
Рузельдең тауышына урман Яңғырап китте , шаңдау булып кире әйләнеп ҡайтты .
-— Яратааааааааммм ... ааа ммм .

Йылы йәйҙе , эс бошорғос Ямғырлы , һалҡын көҙ алмаштырҙы . Ғәзизә менән Рузель генә көҙҙөң эс бошорғос икәнен һиҙмәнеләр .
Улар өсөн һаман да йәй дауам итә ине . Туҡтауһыҙ Яуған Ямғырға , аЯҡ аҫтында батырлыҡ ҡойо бысҡылдап Ятыуына ла иғтибар бирмәнеләр . Кис етеү менән бер береһе менән осрашыуға атлығып торҙолар .
Ямғыр аҫтында көлөшә һөйләшә ауыл урамдарын арҡырыға буйға үтерҙәр ине . Йәшлектең иң матур , иң илаһи мәлдәренең береһе егет менән ҡыҙҙың етәкләшеп Ямғыр аҫтында йөрөүе .
Мәңге ҡабатланмаҫ мәлдәр . Ваҡыт үткәс һағынып хәтерләр сихри минуттар ...
Инде бер кемгә лә , сер түгел ине инде , уларҙың бер берен Яратып йөрөүе .
Ғәзизәгә Рузельдең әсәһе Факиһа инәйҙең һүҙен дә алып килеп еткерҙеләр .
-— Күренекле , белгән кешеләрҙең балаһы . Күҙебеҙ алдында үҫкән ҡыҙ , ҡуш ҡуллап килен итәм Ғәзизәне .
Ҡыҙҙың ҡыуанысының сиге булманы . Рузельдең ҡустылары ла осрағанда , еңгәй , ҡулъЯулыҡ бир , тип шаЯртып үтә башланылар .
Ғәзизәнең әсәһе ауыҙынан да шундайыраҡ һүҙ сыҡҡайны әле бер .
-— Факиһа һәйбәт ул , ҡоҙағый булышһаҡ ҡалай арыу булыр ине . Малайы ла ипле генә күренә . Уаҡ төйәкте төйнәштерә торор кәрәк әле , ҡапыл ғара туй муй булып ҡуйһа .
Ғәзизә оЯлышынан ҡып ҡыҙыл булды .Эй, ошо әсәһе , атаһы алдында өндәшмәһә лә булыр ине .
-— Кем кейәүгә сыға әле , тигән булды шым ғына .
-— Аһ , аһ , осрашып йөрөгәс сығаһың инде . Ҡайҙа ҡарама , Ғәзизә менән Рузель йөрөй тиҙәр . Һыу буйындамы , ҡаЯ бшындамы һеҙҙән башҡа кеше юҡ . Йөрөмә тимәйем , матур йөрө , әсәһе бармағын Янаны ла үҙ эшенә әүрәне . Ғәзизәнең йөрәге дарҫлап тибергә тотондо . Йә , Хоҙай бөтәһе лә белә , бөтәһе лә риза . Ысынлап та шулай булырмы икән ни ?
Ғәзизә Рузельдең кәләше булып , ап аҡ туй күлдәктәре кейеп загсҡа барырҙармы икән ни ? Факиһа инәйҙең тупһаһына килен булып төшөргә насипмы икән уға ? Кем уға һыу башлар икән ? Ҡыҙ татлы хыЯлдарға сумыр булып китте .

Әхирәте Бибинурҙан әҙерәк әрләнеп алды Ғәзизә .
-— Аҫтыртын ! Ҡандай егетте бөтәбеҙҙән һалдырып алды ла , өндәшмәй ҙә бит әле .
Рузельдең шундай сибәр үҙенә ҡарамай , унан күпкә ҡайтыш Ғәзизәне һайлауына Бибинурҙың эсе бошто бошоуын .Тик этлек уйламаны , араларына ҡыҫылманы . Сибәр ҡыҙға ҡараусы егеттәр күп булды , тик ул Рузельдең үҙен һанламауына йәне көйҙө .Ваҡыт ваҡыты менән үҙенең көнләшеүен һиҙҙереп ҡуйһа ла зыЯн эшләмәне әхирәтенә .

Ғәзизә менән Рузель осрашыуҙарын дауам итте .
Ҡышҡы сатлама һыуыҡтарҙа ла өшөмәҫлек ҡайнар ине уларҙың һөйөүе . Иң саф , иң таҙа һөйөү ине уларҙың араһында . Егет ныҡ ҡәҙерләне , ҡурсаланы һөйгәнен .
-— Ғәзизәм , һин шундай саф , шундай матурһың бит . Гәлсәр һауыт кеүек кенә күрәм һине . Һаҡһыҙ ҡағылып ватыуҙан ҡурҡам хатта .
-— Мин гәлсәр түгел , ватылмам , ҡыҙ ундай саҡтарҙа ҡысҡырып көлә ине .
-— Шул тиклем Яратам ! Күҙемдән осоп барған һымаҡһың , Рузельдең тауышында моңһоу ауаздар Яңғырап китә . Үҙен иҫе китеп Яратҡан егеттең наҙлы тауышынан башы әйләнгән ҡыҙҙың , күҙенә аҡ ҡара күренмәй ине . Бер туҡтауһыҙ көлә ине ул .
Ғәзизә лә Ярата Рузельде . Үҙенә әйтергә ҡыймай ине генә . Егет кешегә Яратам тип әйтер өсөн ҙур батырлыҡ кәрәктер ул . Ҡыҙ һалҡыныраҡ булып ҡыланды , һәр һүҙҙе шаЯртыуға борҙо , ишетмәгән кеше булып , ҡат ҡат ҡабатлатты . Ҡыҙ көнөнә мең тапҡыр һораһа ла , егет Ялҡманы . Йыванмай бер үк һүҙҙе ҡабатлай ине , Яратам , Яратам , Яратам ...

Ғәзизә эйелеп , услап ҡар алды ла Рузельдең елкәһенә һирпеп ебәрҙе . Үҙе ҡысҡырып көлә көлә йүгереп китте . Егет ҡыҙҙы ҡыуып етеп ҡосағына алды . Ғәзизә ысҡынырға тырышып тартҡылашһа ла , егеттең көслө ҡулдарынан ысҡына алманы .Рузель ҡыҙҙың ирендәренә үрелде .
Тәүге тапҡыр сихри һәм баш әйләндергес үбеү тәмен татыған ҡыҙ юғалып ҡалды . Әйтерһең дә , йәне күктәргә остомо ни ...

Бер береһен көрткә этә төртөп шаЯрыуҙар , баҫтырышыуҙар , айлы төндә үбешеүҙәрҙән Ғәзизәнең аңы томалана ине . Ул шул тиклем бәхетле , шаЯн һәм ғәмһеҙ ине .
Икәүләп көрткә салҡан йығылалар ҙа , күктә йондоҙ атылыуын һанайҙар . Имеш , йондоҙ атылған мәлдә теләк теләһәң , ҡабул була тип ишеткәне бар ине .
Рузель менән ниндәй генә хыЯлдар ҡорманы улар , шулай көрт өҫтөндә күккә ҡарап Ятҡан мәлдәрендә , ниндәй генә теләктәр теләмәнеләр .

Февраль айының сатлама һыуыҡтарында , Рузель Ғәзизәне үҙҙәренең усаҡлығына алып инде . Йылыла ултырайыҡ тип . Улар сәйҙе усаҡлыҡта эсәләр , ә өйҙәрендә йәшәйҙәр ине .Факиһа инәй егәрле , таҙа ҡатын . ДоньЯһы Ялтырап Ята , аш һыу урыны усаҡлыҡта булғас , өйҙәрендә тәртип иҫ китмәлелер инде , Ғәзизә уныһын белмәй .
Ҡосаҡлашып ҡына торғандарында Факиһа инәй килеп инде лә кире йүгереп сығып китте .
-— Ишегегеҙҙе бикләһәгеҙ ней була , һыу эсәйем тиһәм , тигән тауышы ғына алыҫтан ишетелде .
Һыуыҡ ваҡыттарҙа усаҡлыҡта ултырған йәштәрҙе әрләмәне ул . Йомошо булып сыҡҡан ваҡыттарында ишекте тартып ҡарай ҙа , һеҙ ултыраһығыҙмы ни , тип һөйләнә һөйләнә кире инеп китә ине .
Рузельдәрҙең патефондары бар ине . Патефон Ғәзизәләрҙә лә бар , тик юнле пластинкаһы юҡ . Ә Рузельдә пластинка күп ине . Йыр ҡуйып тыңлап , ҡуша йырлап , бейеп таң аттырҙылар улар .
Снег кружитьсЯ , летает летает ,
Заметает зима , заметает ...
Ошо йырҙы икеһе лә ныҡ Яратты .
Күпме таңдарҙы , ҡосаҡлашҡан килеш ошо көйгә өйөрөлөп ҡаршыланы икән , берен бере өҙөлөп һөйөүсе йәш йөрәктәр ?

Ғәзизәнең әсәһе ауырып китеп , Өфө больницаһына һалдылар . Оҙаҡ Ятып киткән әсәһенең хәлен белергә барырға йыйынды ул .Әҙерләнеп юлға сыҡты . Автобус менән Сибайға тиклем Рузель оҙата барҙы . Киске поездға ултыртып ебәрҙе .
Ҡыҙ башҡалала ике көн булып , әсәһенең хәле арыуланыуына ҡыуанып ҡайтырға сыҡты .
Ауылға ҡайтып етеүенә , өйҙәрендә уны әхирәте Бибинур көтә ине . Ғәзизәнең ҡайтыуын сыҙамай көткән Бибинурҙың Яңылығы бөтә доньЯның аҫтын өҫкә әйләндерҙе .

Дауамы бар.

Миңзифа Хамматова.

(Авторҙың орфография һәм пунктуацияһы һаҡланды)