Ошо көндәрҙә социаль селтәрҙә ғәҙәти булмаған композицияның - дәүләт автоинспекцияһы хеҙмәткәрҙәренең һәм патруль автомобиленең боҙ скульптуралары фотоһы киң таралды һәм ыңғай фекерҙәр тыуҙырҙы.
Күптән түгел иһә ЮХХДИ хеҙмәткәрҙәре скульптура авторы - Учалы районының Яңы Байрамғол ауылында йәшәүсе Фәйзә Фәттәховаға юл-транспорт ваҡиғаларын иҫкәртеү өсөн рәхмәт белдерҙе. Уның хаҡында беҙ ҙә төркөмдә хәбр иткәйнек.
Скульптуралар Яңы йыл алдынан барлыҡҡа килгән.
- Учалы районында йәшәүсе ҡатындың креативэшмәкәрлеге урындағы дәүләт автоинспекцияһы хеҙмәткәрҙәренә юл-транспорт ваҡиғаларын иҫкәртеү эшендә ярҙам итте. Оҙайлы ял көндәрендә был ауылда бер юл-транспорт ваҡиғаһы ла теркәлмәгән, - тип билдәләйҙәр ведомствоның матбуғат хеҙмәтендә.
Мәғлүм булыуынса, Яңы Байрамғол ауылы халҡын районда сәләмәт йәшәү рәүешен һайлаған әүҙем кешеләр тип беләләр, бында төрлө йүнәлешле спорт, рухи-мәҙәни саралар йыш үткәрелә. Шулай уҡ улар «Айыҡ ауыл» республика конкурсында бер нисә тапҡыр ҡатнашҡан.
Әйткәндәй, быйыл Учалы райыоны данын «Айыҡ ауыл» республика конкурсында Илсеғол ауылы яҡлаясаҡ.
"Ҡоролтай" төркөмөнән.