Исеме лә шәп, үҙе лә шәп!

21 октябрҙә 1-се республика полилингваль күп профилле гимназияһында «Йыл Уҡыусыһы-2023» Бөтә Рәсәй дөйөм белем биреү ойошмалары конкурсының беренсе төбәк этабы үтте.

Конкурстың маҡсаты – Башҡортостан Республикаһы территорияһында фән, ижад, спорт, йәштәр сәйәсәте, лидерлыҡ, йәмәғәт эшмәкәрлеге һәм ирекмәнлек өлкәһендә айырым ҡаҙаныштарға эйә булған уҡыусыларға ярҙам итеү. Ҡатмарлы конкурста  Бөрйән районы  исеменән Иҫке Собханғол ауылы мәктәбенең 10 А класы уҡыусыһы Илтимер Мырҙағолов  сығыш яһаны һәм «Йылдың ижади шәхесе» номинацияһында 1-се урын алды.

Илтимерҙы еңеүе менән ҡотлайбыҙ һәм артабан да ҙур уңыштар теләйбеҙ! 

Әлфинә Юлсурина

"Таң" гәзите