Инде нимә эшләргә лә белмәйем...

Бер ҡатын аҡыл эйәһенән ярҙам һорарға була:

- Улыма күҙ тейгеҙҙеләрме, ҡарғанылармы — белмәйем, финиктан башҡа бер нәмә лә ашамай. Инде нимә эшләргә лә белмәйем. Берәй кәңәш бирегеҙ инде, зинһар.

Аҡыл эйәһе малайға бер аҙ ҡарап торғас:

- Иртәгә килегеҙ, ярҙам итергә тырышырмын, —ти. Иртәгеһенә әсәле – уллы аҡыл эйәһенә тағы ла килә. Ул малайҙы алдына ултырта ла:

- Улым, донъяла башҡа тәм-том да бар икәнен онотма, — тип малайҙың финиктарын ала.

Аптыраған ҡатын: 

- Быны кисә үк әйтә ала инегеҙ бит, — ти.

- Кисә мин улай тип әйтә алмай инем, сөнки үҙем финиктарҙы рәхәтләнеп ашаным, — ти аҡыл эйәһе.

КЕМГӘЛЕР АҠЫЛ ӨЙРӘТЕР, КӘҢӘШ БИРЕР АЛДЫНАН ҮҘЕҢ БЫЛ АҠЫЛ МЕНӘН ҠУЛЛАНАҢМЫ, ӘЛЛӘ ЮҠМЫ ИКӘНЕҢДЕ ОНОТМА. ДОНЪЯНЫ  ҮҘГӘРТӘМ ТИҺӘҢ, ҮҘЕҢДӘН БАШЛА!

Тәржемә.