Яҙыусылар менән студенттар килешеү төҙөй

Бөгөн, 21 февраль, М. Аҡмулла исемендәге Башҡорт дәүләт педагогия университетында Халыҡ-ара туған тел көнөнә арналған сара ойошторола. Уҡыу йортонда “Башҡорт теле — дуҫлыҡ теле” тип исемләнгән квиз үтәсәк. Сарала колледждың беренсе курс, төрлө факультеттар, институттар студенттары үҙ-ара ярышасаҡ. Квиздың йомғаҡлау өлөшөндә яҙыусылар менән осрашыу ҙа уҙғарыласаҡ. Осрашыу аҙағында Башҡортостандың Яҙыусылар союзы менән уҡыу йорто араһында килешеү төҙөләсәк.