Әсәйҙәргә нәсихәттәр

* Аллаһ һеҙгә балалар биргән – уны хәстәрлек менән тәрбиәләгеҙ. Яҡшылыҡ, әҙәп ҡағиҙәләрен өйрәтеп, күркәмлеккә ғәҙәтләндерегеҙ.

* Балаларҙың күплегенә ауыр­һын­мағыҙ. Илағандары, тауышланғандары өсөн асыуланмағыҙ. Уларҙың Аллаһ бәндәһе икәнен хәтерегеҙҙә тотоп, тырышлыҡ һәм һөйөнөс менән тәрбиәләгеҙ.

* Мөмкин булһа, сабыйығыҙҙы йылы һыу менән көн һайын ике мәртәбә йы­уындырығыҙ, һуңынан яҡшылап һөр­төндөрөгөҙ. Артыҡ тирләмәһен, үҫешенә зарар килмәһен, ҡан хәрәкәте тотҡар­ланмаһын өсөн, тәнен ҡат-ҡат урамағыҙ, тар, ҡыҫтау кейем кейҙермәгеҙ.

* Бала яҡшы һауаға мохтаж: йоҡо бүлмәһен таҙа тотоғоҙ, елләтеп тороғоҙ.

* Тәҙрәгә, ут яҡтыһына ҡаратып һалғанда, күҙҙәре боҙолмаһын өсөн ҡырын итеп түгел, тура ятҡырығыҙ.

* Алты айға тиклем һөттән башҡа ризыҡ бирмәгеҙ. Унан һуң аҙлап һурпа эсереү дөрөҫ булыр. Тештәре сыҡмаҫ борон ит ашат­мағыҙ.

* Һөтөгөҙ боҙолмаһын өсөн һуған, һарымһаҡ ашамағыҙ. Борос, керән кеүек еҫлеләрҙе күп ҡулланмағыҙ. Ҡәһүәне, сәйҙе самалап эсегеҙ.

* Балағыҙҙы артыҡ иркәләтмәгеҙ. Һәр нәмәне ихтыярына ҡуймағыҙ. Ҡаршы һөйләргә, һүгенергә өйрәтмәгеҙ.

* Уны баһадирлыҡ рухында тәрбиә­ләгеҙ, ҡурҡмаҫҡа ғәҙәтләндерегеҙ. Ен-пәрей тураһында һәм башҡа шуның кеүек нәмәләр һөйләп, ҡанын боҙорға сәбәпсе булмағыҙ.

Ризаитдин ФӘХРЕТДИНОВтың нәсихәттәренән.