Ураҙа Ғәйете мөбәрәк булһын!

Ояһында ни булһа, осҡанын да шул булыр, ти халыҡ. Ысынлап та, рауза сәскәһенән - рауза, имәндән - имән үҫә. Ғафури районының Юлыҡ ауылы мәсете имамы Салауат хәҙрәт Юлыҡов күтәреп төшкән ҡыҙ балаға ни бары ике генә йәш. Әсәһенә, апаһына эйәреп намаҙ уҡыу серҙәренә лә төшөнә башлаған! "Башта сәждә ҡылған мәлдә һуҙыла ла ята ине. Хәҙер беҙҙең арттан дөрөҫ кенә итеп ҡабатлай. Афарин!" - тиҙәр. 

Иманлы, әҙәпле балалар үҫтерәйек тиһәк, уларға дөрөҫ тәрбиә бирәйек! Ураҙа Ғәйете мөбәрәк булһын! Киләһе йылда ла Рамаҙан айын иҫән-һау ҡаршы алып, ураҙалар тотоу насип итһен!