Ғәйепте кешенән эҙләмә

Әгәр өмөтөңдө аҡламайҙар икән, тимәк, артыҡ күпкә өмөтләнгәнһең.

Әгәр һине аңламайҙар икән, тимәк, аңлата белмәгәнһең.

Әгәр дуҫ тигәнең дошманға әйләнһә, тимәк, дуҫты таный белмәгәнһең.

Әгәр яҡшылығыңды күрмәһәләр — үпкәләмә. Яҡшылыҡты бурысҡа эшләмәйҙәр.

Әгәр кемдер һиңә насарлыҡ ҡылһа, һин дә насарлыҡ эшләргә ашыҡма. Һин унан өҫтөн, онотма.

Әгәр һинең ғәйбәтеңде һөйләһәләр — шатлан. Тимәк, һинең тормошоң ҡыҙыҡлыраҡ.

* * *
Күңелеңә хөсөтлөк, мәкер, көнсөллөк, аҙғынлыҡ, тәкәбберлек, мин-минлек кеүек насар хистәрҙе индермә! Насарлыҡ эшләмәү — үҙе яҡшылыҡ. Ниндәй генә осраҡта ла кеше булып ҡал!