Сәскәсе Зөлфәт ағай

Был сәскәләрҙе Баймаҡ районының Әхмәр ауылынан Зульфат Йәнтурин үҫтергән. Ғүмер баҡый колхозда тир түккән уҙамандың шөғөлө айырыуса ҡатын-ҡыҙ төркөмдәштәребеҙҙең иғтибарына лайыҡтыр.

Ғөмүмән, Мәрүәр һәм Зөлфәт Йәнтүриндарҙың баҡсаһында йәшелсә-емештең ниндәй генә юҡ. Ә Зөлфәт ағай үҫтергән сәскә төрҙәре утыҙға барып етә! Күптән түгел ул ауыл биләмәһендә үткәрелгән сәскә үҫтереүселәр конкурсында 1-се урын яулаған.

Ихатаһын гөл-сәскә менән йәмләп, ғаиләһен һәм ауылдаштарын ҡыуандырып йәшәгән уҙаманға афарин!

«Бәхетнамә».