ҠЫҘҘЫРЫЛҒАН ТАШҠАБАҠ

Әҙерләү ваҡыты: 20 минут.

Кәрәк:

Ташҡабаҡ, 2 баш һарымһаҡ, 50 мл соя соусы, 1 балғалаҡ крахмал, 0,5 балғалаҡ шәкәр, тоҙ, 30 мл көнбағыш майы.

Әҙерләү тәртибе:

Ташҡабаҡты йыуып, оҙонса итеп турайҙар. Майлы табала, болғай-болғай, 5 минут тирәһе ҡыҙҙыралар. Крахмал менән буталған соя соусына иҙелгән һарымһаҡты, шәкәрҙе, тоҙҙо (күп кәрәкмәй, сөнки соя соусы былай ҙа тоҙло) ҡушалар. Массаны ташҡабаҡҡа ҡойоп болғағас та уттан алалар.

Ҡыҙҙырылған ташҡабаҡ әҙер!