Корн-дог рецебы

ӘҘЕРЛӘҮ ВАҠЫТЫ: 20 минут.

КӘРӘК БУЛА: 8 сосиска, 100 г кукуруз оно, 100 г бойҙай оно, 1 йомортҡа, 2 балғалаҡ шәкәр, ярты балғалаҡ тоҙ, ярты балғалаҡ сода, 1 аш ҡалағы паприка, 150 мл һөт, 1 балғалаҡ йомшартҡыс (разрыхлитель), ҡыҙҙырыу өсөн көнбағыш майы, таяҡсалар.   

ӘҘЕРЛӘҮ ТӘРТИБЕ:  

Бойҙай онон, кукуруз онон, паприканы, тоҙҙо, йомшартҡысты, соданы, шәкәрҙе бергә бутайҙар һәм йомортҡа өҫтәп, болғайҙар. Массаға һөт ҡойоп, ҡамыр (кляр) эшләйҙәр. Сосискаларҙы (яртыға бүлергә лә була) таяҡсаларға ҡуйып, онда әүәләйҙәр һәм тулыһынса клярға манып, ҡыҙған табала (тәрән төплө булһын) бөтә яҡлап ҡыҙҙыралар. 

Кетерләп торған ризыҡ әҙер!