ЙОМОРТҠА МЕНӘН ҺУҒАНДАН БӘЛЕШ

ӘҘЕРЛӘҮ ВАҠЫТЫ: 50 минут.

КӘРӘК:

Эслек өсөн: 150 г йәшел һуған, 4 йомортҡа, 100 г сыр, тоҙ, 1 аш ҡалағы ҡаймаҡ (теләк буйынса). Ҡамыр өсөн: 3 йомортҡа, 250 г ҡаймаҡ, ярты балғалаҡ йомшартҡыс (разрыхлитель), 100 г он, тоҙ.

ӘҘЕРЛӘҮ ТӘРТИБЕ: Эслек: йәшел һуғанды, бешкән йомортҡаларҙы ваҡ итеп турағас, ҡырғыстан үткәрелгән сыр, тоҙ һәм ҡаймаҡ ҡушып, бутайҙар.

Ҡамыр: Йомортҡаны, тоҙҙо, ҡаймаҡты, ҡушып, бутайҙар.  Йомшартҡыс менән буталған ондо өҫтәп, шыйыҡ ҡына ҡамыр баҫалар. Ҡамырҙың яртыһын формаға ҡойғас, эслек һалалар һәм өҫтөнә ҡалған ҡамырҙы ҡоялар. 180 градусҡа тиклем йылытылған мейестә 35—45 минут бешерәләр.