Ҡарбуздан ҡайнатма

Ҡайнатма өсөн кәрәк:

Ҡарбуз (йомшаҡ ере) – бер килограмм;

Шәкәр – 800 грамм;

Бер лимон һуты;

Ванилин.

 

Ҡарбуздың йомшаҡ ерен шаҡмаҡлап турайбыҙ һәм төштәрен алып ташлайбыҙ. Шәкәр өҫтәп, ике-өс сәғәткә ситкә алып тороғоҙ.

 

Аҙаҡ һутын ҡойоп алырға һәм унан сироп ҡайнатырға. Ҡарбузға әҙер сиропты өҫтәп, тағы ҡайнатырға.

 

Уттан алабыҙ ҙа 8-10 сәғәткә ҡалдырып торабыҙ. Бынан һуң йәнә ҡайнатабыҙ һәм тағы өс-биш сәғәткә ҡуйып торабыҙ.

 

Шунан һуң ғына ванилин, лимон һуты өҫтәп, өс-биш минут ҡайнатырға. Әҙер ҡайнатманы стерилләнгән банкаларға һалабыҙ һәм тимер ҡапҡас ябабыҙ.

 

Ул ҡыш көнө йомарт йәйҙең бер мөғжизәһендәй хуш еҫтәре менән табынығыҙҙы йәмләр!