Вакцина эшләтеүселәр һаны Башҡортостанда 1 миллионға етеп килә

2 августҡа төбәктә ковид 19-ға ҡаршы вакцинаның беренсе компонентын  - 940 535, икенсеһен 688 582 кеше   эшләткән. 

Билдәле булыуынса, коронавирусҡа ҡаршы вакцинаны үҙегеҙ йәшәгән урын буйынса поликлиниканың регистратураһы йәки «Дәүләт хеҙмәте» порталы аша алдан яҙылып, йәшәгән урын буйынса вакциналау пунктында эшләтергә мөмкин. Башҡортостанда бөтәһе 185 вакциналау пункты бар.

Шулай уҡ «Сәләмәт республика – сәләмәт төбәк» акцияһы сиктәрендә республика буйлап алты маршрут буйынса сыҡҡан Сәләмәтлек поездарында ла ковидҡа ҡаршы вакциналанырға мөмкин.