Иҫән-һау йөрө, Альберт!

Ауылдаштары, яуҙа кәрәкле бүләк-ҡоролма менән, уны көтөп торғандар.

"БПЛА операторы, ауылдашыбыҙ Сәйфуллин Альберт яу яланынан ҡыҫҡа ваҡытлы ялға ҡайтты.Традицияға ярашлы, беҙ уны Сәйетбаба ауыл мәҙәниәт йортона осрашыуға саҡырҙыҡ. Күптән вәғәҙә ителгән заманса ҡоролманы - (Булат (БПЛА детекторы)) шатланып тапшырҙыҡ. Тиҙҙән Альберт ҡабат яу еренә юлланасаҡ, уға тик изге теләктәр - именлек, иҫән-һау тыуған еренә әйләнеп ҡайтыуын теләп ҡалабыҙ. Тиҙерәк һуғыш тамамланып, илгә тыныслыҡ килһен!", - тип яҙа Ғафури районының Сәйетбаба ауылы мәҙәниәт йорто хеҙмәткәрҙәре.

Фото интернеттан алынды.