Шоңҡар
-26 °С
Болотло
75 лет Победы
Бөтә яңылыҡтар
Общие статьи
20 Июль 2023, 13:44

Битлектәр эшләйек!

Йылдың эҫе миҙгелендә тирегә айырыуса тәрбиә һәм иғтибар кәрәк. Аллаға шөкөр, йәй беҙҙе емеш-еләктәре, йәшелсәләре менән шатландыра. Шуларҙы тиребеҙ файҙаһына ҡулланырға була.

Битлектәр эшләйек!
Битлектәр эшләйек!

1-се рецепт

Был битлек тирене дымландырырға, уға һығылмалыҡ бирергә ярҙам итә.  Алманы ваҡ ҡырғыстан үткәрәләр, ҡаймаҡ һәм картуф крахмалы ҡушалар. Масса ҡуйы булырға тейеш. Таҙа биткә һәм муйынға һөртәләр. 15 минуттан һуң йыуалар. 

2-се рецепт

Был битлек ультрофиолет нурҙарынан һаҡланырға, тирене йәшәртергә ярҙам итә. Икешәр балғалаҡ ваҡланған петрушка, сельдерей тамырын һәм ваҡ ҡырғыстан үткәрелгән кишерҙе болғайҙар. Таҙа биткә һәм муйынға 20 минутҡа һөртәләр. Ваҡыт үткәс, йыуалар.

3-сө рецепт

Был битлек битте шымартырға, һипкелдәрҙе ағартырға, һырҙарҙы кәметергә ярҙам итә. Ҡурай еләге, виноград йә еләкте уртаға бүлеп, таҙа биткә һөртәләр. Кипкәс, һалҡын һыу менән йыуалар.

Автор:Загида Мусина
Читайте нас в