Дамир Тайыпов концертына саҡыра

Популяр йырсы Дамир Тайыпов күптән түгел тыуған яғы - Әбйәлил районы Буранғол ауылы халҡын  бушлай концерт күрһәтеп ҡыуандырһа, ошо көндәрҙә аҡбирҙеләргә үҙенең  йыр-моңдарын бүләк итергә әҙерләнә. Был хаҡта йырсы  үҙенең сәхифәһендә хәбәр итә. "Йылдағыса Аҡбирҙе ауылы халҡына бушлай концерт ойошторам. Концерт 6 августа   киске сәғәт етелә башлана.  Дуҫтар, рәхим итегеҙ! Һауа торошо насар була ҡалһа, мәҙәниәт йортона күсереләсәк", - тип яҙған.