Республиканың Милли халыҡ ҡоралдары оркестры Кремль һарайы сәхнәһендә сығыш яһаясаҡ

18 сентябрҙә Башҡортостан Республикаһының Милли халыҡ уйын ҡоралдары оркестры (художество етәксеһе һәм баш дирижеры - Башҡортостандың атҡаҙанған артисы Линар Дәүләтбаев) 2022 йылдағы мөһим мәҙәни ваҡиғаларҙың береһендә - Рәсәй Милли оркестрҙар фестивалендә ҡатнаша. Был хаҡта «Башинформ» агентлығына филармонияның матбуғат секретары Ирина Захарова хәбәр итте.

Был мәҙәни форум беренсе тапҡыр үткәрелә һәм Рәсәй халыҡтарының мәҙәни мираҫы йылының төп ваҡиғаларының береһе буласаҡ. Кремль сәхнәһендә Рәсәйҙең 15 төбәгенән, шул иҫәптән Белгородтан, Владикавказдан, Волгоградтан, Грозныйҙан,ҙан, Калининградтан, Санкт-Петербургтан, Симферополдән, Өфөнән, Силәбенән, Элистанан, Якутскиҙан һәм башҡаларҙан төп милли музыка коллективтары сығыш яһай. Фестивалде ойоштороусы - Рәсәйҙең Мәҙәниәт министрлығы булышлығында Фридрих Липстың хәйриә фонды.

«Ошо ҙур фестивалдә ҡатнашыу - беҙҙең өсөн ҙур мәртәбә һәм ҙур яуаплылыҡ та. Беҙ бит яратҡан төйәгебеҙҙе күҙ алдына килтерәбеҙ! Һәм быны лайыҡлы башҡарырға, шул уҡ ваҡытта үҙебеҙҙең оркестрҙы, башҡорт халыҡ уйын ҡоралдарының киң мөмкинлектәрен, башҡорт музыкаһының күп төрлөлөгөн күрһәтергә тейешбеҙ. Был дәрәжәле фестивалдә башҡорт халыҡ колориты академия, этник һәм заманса ракурстарҙа күрһәтеләсәк! - тип билдәләне Линар Тәлғәт улы. - Республиканың Мәҙәниәт министрлығына һәм Башҡорт филармонияһы етәкселегенә унда ҡатнашыуыбыҙға ярҙам иткәндәре өсөн ҙур рәхмәтебеҙҙе белдерәбеҙ!»

Кремлдә тәүгә рус балалайкаһы, башҡорт ҡурайы, чечен пондар, ҡалмыҡ думбыраһы һәм Осетин да-фандыры яңғыраясаҡ. Был инструменттарҙа беҙҙең алдараҡ тыуған, беҙҙе ғүмер буйы оҙатып барған һәм һәр ваҡыт яңғыраясаҡ бала саҡтан иң тәьҫирле, туған һәм таныш көйҙәр башҡарыла.

Ойоштороусылар әйтеүенсә, фестиваль - Рәсәй халыҡтарының тарихы ғына түгел, ул уларҙың аяҡҡа баҫыуы, оҙайлы үҫеш юлы.

«Милли сәнғәт тамырҙары менән илебеҙ тарихына барып тоташа. Ул донъя музыка мәҙәниәтенең ысын художество күренеше һәм танылған элементы булып тора. Был сәнғәт - беҙҙең милли ғорурлыҡ предметы һәм рухи ҡиммәттәребеҙҙе һаҡлаусы, үҙенсәлекле мәҙәни генетик кодыбыҙ», - тине фестивалдең художество етәксеһе, Зыкина исемендәге «Рәсәй» рус халыҡ ансамбленең художество етәксеһе, Рәсәйҙең атҡаҙанған артисы Дмитрий Дмитриенко.

Иҫегеҙгә төшөрәбеҙ, Башҡортостан Республикаһының Милли халыҡ уйын ҡоралдары оркестры - сағыштырмаса йәш коллектив. Үткән йылдың октябрендә ул үҙенең 20 йыллыҡ юбилейын билдәләне. Ошо ваҡыт эсендә оркестр республика ғына түгел, Рәсәйҙең башҡа төбәктәре, алыҫ һәм яҡын сит илдәр тыңлаусыларының йөрәген яулап өлгөрҙө һәм илдең иң яҡшы коллективтары иҫәбенә инде.

"Башинформ".