Тиҙҙән Дыуан районы үҙәге Мәсәғүт ауылында З. Биишева исемендәге Башҡортостан "Китап" нәшриәтенең сауҙа урыны барлыҡҡа киләсәк. Был хаҡта нәшриәттең хеҙмәткәре Айрат Искәндәров хәбәр итә. "Шәхси эшҡыуар Алексей Паначев менән хеҙмәттәшлек һөҙөмтәһендә Дыуан халҡы һәм ошо төбәктә йәшәгән әҙәбиәт һөйөүселәр милли китаптарҙы теләгән ваҡытта һатып аласаҡ", - ти Айрат Рим улы.