"Унда байрамға әсәйҙәр килә! Минең әсәйем юҡ бит!..»

«Тыуған яҡ», «Яңғыҙ миләш», «Атайым» кеүек хиттарҙы популяр башҡарыусы йырсы Вәсилә Фәттахова 2016 йылдың 26 ғинуарында вафат булды.  Уға ни  бары 36 йәш  ине.

– Улым Кәрим менән Вәсилә араһында ниндәйҙер әйтеп бөтөрә алмаҫлыҡ мөнәсәбәттәр бар ине. Ул уны баҡсаға ла төшкә тиклем генә йөрөтә ине. Ваҡыт бик аҙ булғанын һиҙенгән кеүек... Бер нимә тетрәндергән ине мине. Вәсилә вафат булғас әле, 8 Март алдынан улым телефонға хәбәр ебәрҙе: «Атай, мин балалар баҡсаһына бармайым! Унда байрамға әсәйҙәр  килә! Минең әсәй юҡ бит!..»  Йөрәгемә шул тиклем ҡыйын булды  тине, — ти Илгиз Абдраҡипов. Йырсының улына тиҙҙән  12 йәш тула. Ә ҡыҙына 7 йәш. 

Фото: music.youtube.com