Афарин, "Ынйыҡай"!

"Сибай" халыҡ бейеүҙәре ансамбле (Сибай концерт-театр берекмәһенең) янында эшләүсе "Ынйыҡай" балалар студияһы Мәскәүҙә үткән конкурста уңышлы сығыш яһаны. "Ал елкәндәр" мәҙәниәт фонды ойошторған "Мәҙәни мираҫ" проекты быйыл бишенсе тапҡыр ойошторолдо һәм халыҡ бейеүҙәре өлкәһендә милли премия тапшырҙы. Рәсәйҙең төрлө төбәктәренән килгән 26 коллектив араһында сибайҙар 2-се урынға лайыҡ булды.