Элвин Грей "На солнце, вдоль рядов кукурузы" фильмының премьераһы хаҡында тәьҫораттары менән уртаҡлашты

Рәсәй пилоты Дамир Йосопов музыкант Элвин Грейҙы "На солнце, вдоль рядов кукурузы" фильмының премьераһына саҡырған. Радик Юлъяҡшиндың әйтеүенсә, ул күптән кинотеатрҙа булғаны юҡ. "Тирә-яҡты ҡыҙыҡһындырған бюджетлы, матур боевиктар бер ниндәй ҙә мәғәнәгә эйә түгел һәм ҡыҙыҡһыныу тыуҙырмай", - тине ул.

Рәсәй пилоттарының батырлығы хаҡында бәйән иткән "На солнце, вдоль рядов кукурузы" фильмы уның күңеленә хуш килгән. Етмәһә, таҫманы ҡарағандан һуң артистың күп нәмәгә ҡарашы үҙгәреүе тураһында хәбәр итте.

- Был бер кешенең бер секунд эсендәге ҡарарҙары күп кешеләрҙең яҙмышын нисек үҙгәртә алыуы хаҡында. Үҙ эшен ябай итеп башҡарған һәм булғанды батырлыҡ тип иҫәпләмәгән кеше тураһында.

Дамир Йосопов ысын супергерой, ти Радик Юлъяҡшин.