Өфөлә "Башҡорт йыры"ның яңы миҙгеле башланды

Телевизион конкурста 18 йәштән 40 йәшкәсә профессиональ йырсылар ҡатнаша. Быйыл йөҙҙән ашыу кеше ғариза биргән. Уларҙың иң-иңдәрен телевизор ҡараусылар зәңгәр экрандар аша күрә аласаҡ. Еңеүселәр, ғәҙәттәгесә йыл аҙағында гала-концертта сығыш яһай.

Иҫегеҙгә төшөрәбеҙ, «Башҡорт йыры» телевизион фестиваль-конкурсы 2010 йылдан алып уҙғарыла. 10 йыл эсендә проектта 5 меңдән ашыу йырсы ҡатнашты, Башҡортостандың алтын фонды өсөн 3000 йыр яҙҙырылды. Төрлө йылдарҙа «Башҡорт йыры» конкурсында бөгөн билдәле башҡарыусылар: Дилара Иҙрисова, Айгиз Ғиззәтуллин, Айгөл Һағынбаева, Иҙел Аралбаев, Марсель Кутуев, Заһир Иҫәнсурин, Зилиә Бәхтиева һәм башҡалар еңеүсе булдылар.