Өфөлә «Мисс Берҙәмлек-2023» этник матурлыҡ һәм талант конкурсы финалсыларының исемдәре билдәле булды

Конкурсты ойоштороусылар хәбәр итеүенсә, һайлап алыу туры йомғаҡтары буйынса гала-финалда ете милләт вәкилдәре сығыш яһай:

2 апрелдә «Торатау» конгресс-холының бәләкәй залында «Мисс Берҙәмлек-2023» республика этник матурлыҡ һәм талант конкурсының һайлап алыу этабы үтте. Быйыл ойоштороусылар Өфө, Пермь крайы, Стәрлетамаҡ, Нефтекама, Бөрө һәм республиканың башҡа ҡалаларынан, райондарынан тиҫтәләгән ғариза алған.

Ҡыҙҙар жюри ағзаларын үҙҙәре һәм халҡы менән таныштырҙы, шулай уҡ ижади номер менән сығыш яһаны. Уларҙы мәҙәниәт эшмәкәрҙәре һәм милли мәҙәни ойошмаларҙың вәкилдәре баһаланы.

Конкурсты ойоштороусылар хәбәр итеүенсә, һайлап алыу туры йомғаҡтары буйынса гала-финалда ете милләт вәкилдәре сығыш яһай:

Юлия Александрова, мордва халҡы вәкиле
Ольга Әхмәтйәнова, удмурт халҡы вәкиле
Анастасия Белоусова, марий халҡы вәкиле
Сайёра Камалетдинова, үзбәк халҡы вәкиле
Мәҙинә Моратбәкова, ҡырғыҙ халҡы вәкиле
Камилә Мырҙаханова, ҡаҙаҡ халҡы вәкиле
Камила Яҡупова, башҡорт халҡы вәкиле

«Бөгөн конкурстың һайлап алыу этабына килгән һәр ҡыҙға һоҡланам. Һайлап алыу еңелдән булманы, дәғүәселәр көслө, талантлы һәм лайыҡлы. Иң мөһиме, уларҙың һәр береһе беҙгә үҙ халҡының матурлығын һәм тәрәнлеген күрһәтә алды. Һайлап алыу турында ҡатнашҡан ҡыҙҙарҙың барыһына ла рәхмәт белдерәм, ә финалсыларға уңыштар теләйем», — тине проект етәксеһе Земфира Рәшитова.

Хәтерегеҙгә төшөрәбеҙ, конкурсты Мәҙәниәт министрлығы һәм Башҡортостан Башлығы гранттары фонды булышлығында Халыҡтар дуҫлығы йорто һәм Башҡортостан Республикаһы халыҡтары ассамблеяһы үткәрә.

Проекттың гала-финалы 21 апрелдә «Торатау» конгресс-холында уҙа, ә һәр конкурсанттың телевизион көндәлектәрен быйыл яҙ Башҡортостан юлдаш телеканалында ҡарарға мөмкин.

https://bash.bashinform.ru/news/culture/2023-04-03/f-l-miss-ber-mlek-2023-etnik-maturly-m-talant-konkursy-finalsylaryny-isemd-re-bild-le-buldy-3202336

Автор:

Читайте нас

Партнеры