"Һеҙ "Йөрәк һүҙенә барҙығыҙмы?" - тип яҙа үҙенең сәхифәһендә Өфө Фән һәм технологиялар университетының башҡорт филологияһы, журналистика һәм шәрҡиәт факультеты деканы Гөлфирә Абдуллина. - Ысын мәғәнәһендә йөрәкте илатырлыҡ, һыҡтатырлыҡ, ҡырҡҡа телгеләрлек сығыштар булды. 
Уйландырырлыҡ, һыҙландырырлыҡ мәсьәләләрҙе шиғри тел менән йөрәктән йөрәккә алып барып еткереүсе проект авторына, ойоштороусыларға афарин!
Шиғри бәйгенең еңеүсеһе, быйыл беҙҙең факультетта магистратура тамамлаған Варис Исҡужинға ихлас ҡотлау һүҙҙәрен еткерәбеҙ. Шулай уҡ был халыҡсан проектта үҙе яҙған шиғырҙар менән сығыш яһаусы 2 курс студенты Юлдаш Мусинды ҡотлайбыҙ, һин булдыраһың!!!

Фото: Бәйләнештә