Ун өс йәшлек ҡыҙ бәпәй көтә

Табиптар Өфөлә йәшәгән 13 йәшлек ҡыҙҙың ауырлы булыуын асыҡлаған. Был хаҡта «Комсомольская правда-Уфа» хәбәр итә. Ҡыҙ әсәһе менән бергә февраль башында баш ҡаланың шәхси клиникаларының береһенә килгән. Медицина тикшереүе барышында табиптар ҡыҙҙың 14 аҙна тирәһе ауыры булыуын асыҡлаған. Мәғлүмәт шунда уҡ полицияға тапшырыла. Әле тыуасаҡ сабыйҙың атаһы кем булыуы асыҡланмаған. Ҡыҙға быйыл яҙ ғына 14 йәш тула. Йә, Хоҙай,  әле үҙе лә бала ғына ҡыҙ әсәй булырмы икән?