19 майҙа Өфөлә йырсы һәм педагог, Башҡортостандың халыҡ артисы Ғәлиә Солтанова 88-се йәшендә арабыҙҙан китте.
Ғәлиә Кәлимулла ҡыҙы Солтанова 1937 йылдың 16 февралендә Салауат районы Лаҡлы ауылында тыуған. 1960 йылда – П.И.Чайковский исемендәге Свердловск музыка училищеһын, ә 1968 йылда Гнесиндар исемендәге Музыка-педагогия институтын тамамлай. 1960-1963 йылдарҙа Башҡорт дәүләт филармонияһында солист, Ишмулла Дилмөхәмәтовтың данлыҡлы концерт бригадаһында эшләй, һуңынан 1970-1983 йылдарҙа йәнә филармонияға эшкә ҡайта.
1980 йылдан – 2-се Өфө педагогия колледжында, бер үк ваҡытта 1998 йылға тиклем Өфө дәүләт сәнғәт институтында уҡыта, 1993 йылғаса – Башҡорт академия театрында педагог-вокалист, 2003 йылдан Өфө сәнғәт училищеһында уҡытыусы булып эшләй.
"Ул бер нисә быуын тыңлаусылар өсөн "Әй һандуғасы" булып ҡалыр. Тормош һөйөүсән, изге күңелле, асыҡ – күптәр өсөн өлгө. Эшен шул тиклем яратты", – тип социаль селтәрҙәрҙә Салауат районы хакимиәте башлығы Марс Кашапов.
"Салауат районы башҡорттары ҡоролтайы"