«Тел арт-резиденцияһы» проектының финалы үтте

Проектта Рәсәйҙең төрлө төбәктәренән туған телдәрҙә әҙәби әҫәрҙәр ижад итеүсе йәш авторҙар ҡатнашты.

Бөгөн Әхмәт-Зәки Вәлиди исемендәге Милли китапханала, Башҡортостандың Яҙыусылар союзы менән берлектә, Рәсәйҙең төрлө төбәктәренән 10 йәш авторҙың - «Тел арт-резиденцияһы» проекты финалсыларының эш һөҙөмтәләре менән таныштырыу сараһы уҙҙы.

Кисәнең ҡунаҡтары проектта ҡатнашыусыларҙың Бөрйән районында 3 көн эсендә уйлап сығарылған әҙәби-театр постановкаһын ҡараны.

Сараның аҙағында «Тел арт-резиденцияһы» Бөтә Рәсәй проектының күсмә программаһында ҡатнашыусыларға сертификаттар тапшырыу тантанаһы үтте.

Фото: «Национальная библиотека Башкортостана» төркөмөнән.