Башҡортостан минең тыуған илем

Ҡырмыҫҡалы районы Боҙаяҙ ауылында Фәнил Әсәнов исемендәге урта дөйөм белем биреү мәктәбендә Айрәт Сөләймәновтың Башкортостан - страна тысячи лет китабына арналған конференция үтте. Был ваҡиға бик күп һәләтле уҡыусыларҙы йыйҙы, улар тыуған яҡтың байлығына һәм күп төрлөлөгөнә нигеҙләнгән үҙҙәренең ғилми хеҙмәттәрен тәҡдим итте.

Конференция йомғаҡтары буйынса призлы урындар билдәләнде:ң

Беренсе урынды Алина Волокушина алды, Икенсе урын - Радмир Сәлихов, Өсөнсө урын - Эмиль Ҡанбәков.

Жюри составында Башҡортостандың яҙыусылар союзы урынбаҫары, шағирә Тәнзилә Дәүләтбирҙина, "Шоңҡар" журналының яуаплы секретары, сатирик Венер Исхаҡов һәм яҙыусы Леонид Соколов булды. Улар үҙҙәренең сығышында йәш таланттарҙың эштәрен баһалап кәңәштәр еткерҙе.

Айрат Сөләймәнов, меценат булараҡ, мәктәпкә һәм спорт башланғыстарына әүҙем ярҙам итә. Бынан тыш, был мәктәптә М. Сөләймәнов исемендәге хәрби-патриотик клуб эшләп килә, был клубҡа ла ул матди ярҙамы күрһәтә.

Был ваҡиға мәҙәни мираҫты һаҡлау мөһимлеген, шулай уҡ йәштәрҙең фән һәм әҙәби ижад үҫешенә индергән өлөшөн тағы бер тапҡыр раҫланы.

Бөтә ҡатнашыусыларҙы һәм еңеүселәрҙе ихлас ҡотлайбыҙ!